VOV4.Xơ Đăng - Tơpui a hneăng hôp mâu kăn xiâm ASEAN ‘na tơrŭm cheăng tung kơpong xua mơdêk mâu tơdroăng ƀă mơnhông mơdêk tơniăn krá po a kơxo lơ 20/11, tiô tơdroăng mơ’no tơdrêng troăng hyôh Internet. Pôa Phạm Minh Chính, Ngế pro xiâm hnê ngăn tơnêi têa pâ thế tơrŭm cheăng tung kơpong tung la ngiâ kal thế tơkŭm a 3 tơdroăng ki pêi ahdrối xua tơdroăng mơnhông mơdêk tung kơpong. Tơpui a hneăng hôp, pôa Phạm Minh Chính, Ngế pro xiâm hnê ngăn tơnêi têa tối nhên, tơrŭm cheăng ƀă rơtế  ƀă mâu kong têa cho tơdroăng ki kal vâ rak ki tơniăn ki tâk ƀă mơnhông mơdêk krá tơniăn ton.

Ngế pro xiâm hnê ngăn tơnêi têa veăng hôp mâu kăn xiâm ASEAN ‘na tơrŭm cheăng  mâu kơpong

Pakĭng mê tí tăng pêi tơƀrê mâu tơdroăng ki ối po rơdâ a mâu kơpong pro tơ’lêi hlâu ăm tơdroăng tê mơdró, ‘no liăn cheăng ăm mâu khu mơdró ƀă tơrŭm cheăng ‘ló tro.  Pôa Phạm Minh Chính loi khât, ing hneăng hôp apoăng ‘na tơrŭm cheăng tung kơpong rôh kố, kô pơtối tak vế ƀă mơdêk ki mơ-eăm tơrŭm ƀă mơnhông mơdêk mâu kơpong tung ASEAN  tung la ngiâ, veăng pêi tơ-brê pơkâ mơjiâng môi khu ASEAN mơnhông mơdêk krá tơniăn veăng ‘no hnoăng hơniâp lĕm, tơniăn tơrŭm tung kơpong ƀă tung lâp plâi tơnêi.

Gương tơplôu ƀă tơbleăng