VOV4.Xơ Đăng - Kơxo lơ 22/12, a pơlê kong kơdrâm Đồng Hới, kong pơlê Quảng Bình, Khu kăn xiâm Đảng, Kuô̆k hô̆i, Kăn xiâm hnê ngăn tơnêi têa V, Chin phuh, Vi ƀan xiâm Măt trâ̆n tơnêi têa Việt Nam ƀă kong pơlê Quảng Bình po leh kân krip tơbâ 110 hơnăm hâi kot mâ Đại tươ̆ng Võ Nguyên Giáp (25/8).  Pôa Phạm Minh Chính, Ngế pro xiâm hnê ngăn Chin phuh veăng hôp ƀă pơchuât hlá mơ-éa tơbâ.

Ngế pro xiâm hnê ngăn tơnêi têa veăng leh tơbâ 110 hơnăm hâi kot mâ  Đại tướng Võ Nguyên Giáp

A rôh leh tơbâ, pôa Phạm Minh Chinh tối kuăn mơngế,  tơdroăng pêi cheăng  ƀă mâu hnoăng veăng ‘no ki kân dêi Đại tươ̆ng ƀă tơdroăng cheăng dêi Kăch măng Việt Nam ƀă tung lâp plâi tơnêi châ chêh ‘măn tung hlá mơ-éa ki kal dêi hdroâng mơngế pin ƀă tơdroăng ton nah tung tơdroăng cheăng kach măng lâp plâi tơnêi.

Drêng troh leh tơbâ kố, teăng mâ Đảng, Tơnêi têa, pôa Phạm Minh Chính pơkâ thế rêm râ, mâu kơvâ cheăng, mâu kong pơlê ƀă púi vâ mâu kăn ƀô̆ mâu lêng pơtối rak vế tâ nếo ki tơrŭm dêi rơpó, môi tuăn môi mơno, tung tơdroăng kal kí, kuăn pơlê lâp tơnêi têa , ƀă mơngế Việt Nam ki rêh ối a kong têa ê  pơtối mơdêk tuăn pâ tơnêi têa, mơ-eăm tơkâ luâ xơpá, pơloăng mơnúa, mơ-eăm pê klêi tơdroăng pơkâ Heăng hôp kân roh má 13 dêi Đảng.

Gương tơplôu ƀă tơbleăng