VOV4.Sêdang - Peăng xêi hâi lơ 18/9, a tíu pêi cheăng dêi Chin phuh, pôa Nguyễn Xuân Phúc, Ngế pro xiâm hnê ngăn tơnêi têa pơkuâ ngăn roh hôp ki tiah hmâ dêi Chin phuh [ă mâu khu râ, kơvâ cheăng, kong pơlê, pơlê kong kân ‘na cheăng hbrâ tơplâ mơdât pơreăng Covid-19. Ăm phêp tơdroăng ki pâ phep lôu péa troăng tơ-[ai kơneăng vâ tê mơdró kâ [ă kong têa Siam, Ngế pro xiâm hnê ngăn hiăng pơkâ thế Khu xiâm ngăn ‘na troăng tơ-[ai [ă mâu kơ koan ai tơdjâk troh kal athế tơmiât tơche\ng, mơ’no tơdroăng pơkâ ki nhên vâ rak vế tơniăn. Mâu hâi ki kơneăng troh a kong têa ê kal athế tối tơbleăng ăm mâu Ngế pro xiâm pho\ hnê ngăn, cho pôa Phạm Bình Minh, Vũ Đức Đam séa ngăn [ă pơkâ ăm phep lơ ôh.

Tiô tơdroăng tối pơtâng ing peăng Khu xiâm ngăn ‘na pơkeăng [ă khăm pơlât, troh nôkố, hiăng châ mơdât tơdroăng tâ tú pơreăng a tơnêi têa pin. Maluâ ti mê, pôa Nguyễn Xuân Phúc xuân ối tối nhên, lâp tơnêi têa dế kơhnâ khât, kho\m pêi pro klêi hnoăng cheăng hơngăm luâ tâ hdrối 2 hdroh, rế hbrâ mơdât, tơplâ [ă pơreăng Covid-19 rế thăm mơdêk tơdroăng tê mơdró, mâu khu râ, kơvâ cheăng [ă mâu kong pơlê, pơlê kong kân ôh tá chiâng tơngôu tung hnoăng hbrâ, tơplâ mơdât pơreăng, thăm mơdêk hnoăng cheăng êng mơnhên ngăn mơngế ing kong têa ê mot rêh ối – pêi cheăng a Việt Nam, ôh tá ăm ai tơdroăng ki chiâng tâ tú troh a Việt Nam drêng lôu péa ăm tơ-[ai kơneăng ing tơdroăng tê mơdró kâ.

Nhat Lisa tơplôu [ă tơbleăng