VOV4.Sêdang - Tiô rơkong krếo thế dêi pôa Phan Văn Giang, Ngế cheăng tung khu xiâm kal kí, ngế xiâm pơkuâ ngăn lêng Việt Nam, pôa Kishi Nobuo, Ngế xiâm pơkuâ ngăn lêng Nhuk hiăng lăm pôu Việt Nam sap hâi lơ 10-12/9. Péa ngế Kăn xiâm hiăng tơpui, tối hên tơdroăng cheăng lêng dêi rơpó tung mâu hơnăm hdrối kố hía nah, tơpui ‘na tơdroăng tung lâp plâi tơnêi, tung kơpong ki péa pâ tơmâng vâ ‘nâi plĕng. Tung mê, ai ki kal dêi tơdroăng tơniăn a troăng têa kơxĭ ƀă troăng tơ-ƀai hlo mâu tơdroăng tí tơniăn tung kơpong.

Péa ngế xiâm pơkuâ ngăn lêng rơtế ƀă mâu kăn xiâm xup um tơchoâm

Péa pâ pơtối mơhno tối tơdroăng ki kal thế pêi pro tro luât lâp plâi tơnêi, tá luât kĭ tơhrâ dêi Khu lâp kong têa ‘na luât têa kơxĭ hơnăm 1982 (UNCLOS 1982); tơpui tối ‘na tơdroăng hiăng ‘nâi hbrâ mơdât COVID-19 dêi mâu  lêng tơrêm kong têa. tung hơnăm mơnhông mơdêk nếo dêi tơdroăng tơrŭm cheăng lêng pơla péa tơnêi têa Việt Nam - Nhuk, péa pâ tối kô mơ-eăm mơdêk mâu tơdroăng tơrŭm cheăng, malối cho mâu tơdroăng trâm mâ tơrá mâu kăn ƀă tơrŭm hên troăng vâ veăng rak vế hơniâp lĕm ƀă tơniăn, mơnhông dêi kơpong ƀă lâp plâi tơnêi.

Gương tơplôu ƀă tơbleăng