VOV4.Xơ Đăng -  Kơxo lơ 8/11 tiô chôu kong têa Nhuk, Nhuk kô “ lôu péa” tơdah xo nếo mâu ngế hriâm cheăng dêi Việt Nam lăm pêi cheăng a kong têa kố klêi kơ’nâi hên khế pơtê tơdah xua tơdjâk dêi pơreăng COVID-19, ƀă mâu tơdroăng ‘na pâk vaccine ƀă tơdroăng klâ ối kơtăn, klâ ối  krê.  Vâ châ mot tung kong têa Nhuk, mơngế ki pêi cheăng thế pêi pro tro tơdroăng pơkâ ki nếo ‘na hbrâ mơdât pơreăng dêi Chin phuh kong têa kố.

Mê cho, ƀă mâu ngế hiăng pâk vaccine tŭm 2 trum vaccine (ki iâ gá klêi kơ’nâi 14 hâi) ƀă 1 tung 3 túa vaccine hiăng châ kĭ a Nhuk lơ (Pfizer, Moderna, AstraZeneca)  ƀă khăm ngăn PCR âm tĭnh tung pơla 72 chôu hdrối vâ mot tung kong têa, hâi chôu klâ kơtăn klâ krê a hngêi kô iâ tâ ối dâng 3 hâi klêi hiăng troh a kong têa ki vâ troh.

Ƀă mâu ngế ki hâi teăm pâk, lơ pâk hâi teăm tŭm lơ pâk mâu túa vaccine ki ê 3 túa vaccine ki nếo tối kơpêng mê, pakĭng khăm ngăn PCR âm tĭnh tung pơla 72 chôu hdrối vâ mot a kong têa ê, xuân thế klâ kơtăn, klâ krê a hngêi 14 hâi klêi hiăng troh a kong têa Nhuk.

Gương tơplôu ƀă tơbleăng