VOV4.Sêdang - A roh hôp Ƀơrô Khu hnê mơhno má môi Khu hnê mơhno tơnêi têa ‘na hbrâ ví kong prâi pro ôh tá tơniăn tơkŭm po a kơxo lơ 7/10 a Hà Nội, pôa Trần Quang Hoài, Kăn phŏ Khu hnê mơhno Tơnêi têa ‘na hbrâ ví kong prâi pro ôh tá tơniăn tối nhên, mâu kong pơlê kal pơkâ pêi nhên ăm tơdroăng xĕn kuăn pơlê, rế tơniăn hbrâ ví kong prâi pro ôh tá tơniăn ƀă hbrâ mơdât pơreăng COVID-19. Pơtối mê, mâu kong pơlê kal thâ kơbông krếo plong, tuk lo ing kơpong rơ-iô a tíu kong mêi khía mohot têi; séa ngăn tơdroăng kong mêi khía mơhot ƀă hbrâ mâu troăng tŏng kum drêng kong prâi pro ôh tá tơniăn.

Tung tơdroăng xĕn kuăn pơlê mâu kong pơlê kal tơtrŏng xĕn kuăn pơlê ki rêh ối amê. Roh kong mêi têa kân lân lu kố mơni lân lu ôh tá châ prôk a tíu dêu pó, xua mê thế tơniăn tơmeăm kâ, têa ôu ăm kuăn pơlê, ví tơdroăng klêi kơ’nâi kong prâi pro ôh tá tơniăn kuăn pơlê ôh tá bê kế kâ.

A Sa Ly tơplôu ƀă tơbleăng