VOV4.Sêdang – Kơxo lơ 16/9, pôa Trịnh Đình Dũng, Ngế xiâm pho\ hnê ngăn tơnêi têa, Ngế xiâm pơkuâ hnê mơhno dêi tơnêi têa  ‘na tơdroăng hbrâ ví xía vâ hiăng hôp tơdrêng [ă mâu khu xiâm, kơvâ cheăng, kong pơlê ‘na troăng hơlâ hbrâ ví xía vâ xua kong kong rơdâm kô pro kong mêi khía mơhot kân chiâng khía kân má 5, inâi lâp plâi tơnêi tối Noul.

Tiô tối tơbleăng dêi Khu hnê mơhno xiâm ‘na hbrâ ví xía vâ kong prâi pro oh tá tơniăn, khía má 5 plong têi troh a tơnêi tung mâu hâi 18 [ă 19/9 a mâu kong pơlê sap Quảng Bình troh Đà Nẵng [ă ki têi cho râ 11 troh 12, hrot troh râ má 13, kô pro xía vâ kân râ má 4.

Xua kố cho khía kân, mê pôa Trịnh Đình Dũng thế rêm ngế hbrâ rơnái, pôi tá tơngôu. Mâu kong pơlê thế séa ngăn tăng troăng ki vâ djâ kuăn pơlê ối tíu tơniăn, hbrâ mâu tơmeăm, rơxế vâ chơ kuăn pơlê thế pro tơniăn ăm kuăn pơlê a kơpong ki rơ-iô. Tiô tối hdrối, kô thế djâ dâng 500 rơpâu ngế kuăn pơlê ki ối tung kơpong rơ-iô ai khía plong lăm ối a tíu tơniăn.

Gương tơplôu [ă tơbleăng