VOV4.Sêdang - Ối tung dế kong loăng hngó a ngo Langbiang, pơlê kong kơdrâm Đà Lạt, kong pơlê Lâm Đồng cho môi tíu ki ôm hyô ối pơtê le\m krop má môi dêi Việt Nam. Xua tơdroăng ki le\m dêi mâu loăng kong ki chiâng xêh cho tơdroăng ki ai hlâu, ai pơxúa vâ kơvâ ôm hyô dêi Đà Lạt thăm châ mơnhông tơtêk. Pá k^ng ôm hyô tiô khôi túa, vêa vong mâu hơnăm a chê kố, Đà Lạt ối mơnhông mơdêk môi túa pơkâ ki nếo, mê cho ôm hyô tung kơdrum hngêi, tung chiâk deăng tiô chal nếo nôkố. Mâu kơdrum pêt kơchâi krúa, mâu xiâm loăng yâu tâi ai plâi kơtốu hên, tum le\m, lơ mâu kơdrum reăng ai mơngiơk le\m tung pơla kong prâi hngiú [ă hên tơdroăng ki ê hiăng pro chiâng môi tơdroăng ki ôm hyô ki nếo, hơniâp ro ăm tơmối drêng troh a pơlê kong kơdrâm kong ngo kố. Quang Sáng, ngế chêh hlá tơbeăng cheăng tung Rơ’jiu Việt Nam a kơpong Tây Nguyên ai chêh tối ‘na tơdroăng mê.

Bu xêo sap roh lêh hâi mơjiâng tơnêi têa lơ 2 khế 9, troh nôkố, pôa Nguyễn Đình Lộc, môi ngế kuăn pơlê pêi pêt reăng ki le\m mơnâ mâ ngăn tu\m túa a pơlê Thái Phiên, ối tung bêng 12, pơlê kong kơdrâm Đà Lạt, kong pơlê Lâm Đồng hiăng tơdah 10 khu tơmối troh lăm ngăn kơdrum reăng dêi rơpo\ng, tung mê, ai tá tơmối cho mơngế kong têa ê. Pôa Lộc tối ăm ‘nâi, mơhé tơvâ tơvân tơdroăng cheăng klâng chiâk, laga pôa [a\ kuăn pơlê pêi chiâk deăng ki ê tung pơlê pơrá hâk vâ tơdah tơmối. Xua, kố ôh tá xê to roh vâ kuăn pơlê akố sôk ro tơbleăng tối pơlê pêi pêt reăng, mê ối ai roh tơbleăng mơđah mâu reăng, châ k^ tê reăng ăm tơmối, kum tơniăn ai tíu ăm kuăn pơlê châ tê dêi reăng. Pôa Nguyễn Đình Lộc, tối: Tơru\m pêi chiâk deăng [a\ ôm hyô cho môi tơdroăng pêi ki tơtro [a\ kal khât. Drêng nếo châ mơnhên cho pơlê reăng, mê hiăng ai hên tơmối troh lăm ngăn. Drêng vâi troh a kơdrum dêi kuăn pơlê ‘na túa pêt reăng, kơxo# reăng môi tiah mê, ngin kô tiâ mơnhên. Kơdrum reăng ki lâi vâi hlo le\m, tâng vâ mot ngăn mê a kô tơdah. Tơdroăng hâk mơnâ tơdah tơmối dêi kuăn pơlê bêng 12 – pơlê reăng Thái Phiên, pro tơmối hâk vâ ‘nâng.

            Tiô nâ Nguyễn Thị Nhung, môi ngế tơmối lo ing pơlê kong kân Hồ Chí Minh, sôk ro khât lăm poê mâu tơkâng reăng le\m mơnâ mâ ngăn, krí mâu plâi yâu tâi ki tum khêi a kơdrum dêi kuăn pơlê, lơ ti tăng mâu túa cheăng, kih thua#t rak ngăn pêt loăng plâi tiô túa pêi chiâk deăng xúa kơmăi kơmok rơxông nếo. Ki rơhêng vâ tối, hlối mơnúa pro mơngế pêi chiâk deăng, klêi mê, xup um thâu hrik mâu tơdroăng pêi chiâk deăng tung roh lăm ôm hyô dêi tơná. Nâ Nhung tối ăm ‘nâi, mơhé hiăng hên xôh lăm ôm hyô a Đà Lạt, laga drêng kố cho phiu ro má môi: Hlo sôk ro khât drêng châ troh lăm ngăn kơdrum, ôm hyô ‘na kơdrum. Xua troh akố kô châ hlo mâu loăng plâi xông ngiât le\m tiah kố. Ing mê, xuân ‘nâi ‘na kơmăi kơmok pêt tiô troăng sinh hok, krúa le\m [a\ pêi lo kế tơmeăm khoăng ki dâi le\m, tơniăn le\m ăm mơngế ki xúa.

            Đà Lạt cho pơlê kong kơdrâm ối má môi lâp tơnêi têa ‘na pêi chiâk deăng xúa kơmăi kơmok rơxông nếo, kum tung tơdroăng ‘mot tơmối mot ôm hyô, tơbleăng kế tơmeăm khoăng tiô troăng ôm hyô ‘na kơdrum dêi tơmối, pak^ng mâu pơlê reăng tiah tơlá hmâ vâi krâ nah, mâu tíu pêi chiâk deăng ki kân, hên túa cheăng pêt kơchâi drêh, reăng, yâu tâi [a\ hía hé, pêi pêt tơprâ tơpru\ng dêi kuăn pơlê a Đà Lạt, xuân lôu péa tơdah tơmối mot ôm hyô.

            Jâ Nguyễn Thị Bích Ngọc, kăn pho\ pơkuâ ‘na mơhno mơjiâng túa le\m tro, tơ’noăng ivá [a\ ôm hyô kong pơlê Lâm Đồng tối ăm ‘nâi, hlo ki châ tơ-[rê apoăng cho túa ôm hyô kơdrum châ tơ-[rê hên, kơvâ ôm hyô kong pơlê hiăng pơxiâm mơ’no liăn cheăng hnê mơhno troăng prôk tung tơdroăng mơhnhôk mâu kơ koan, khu tê mơdró ôm hyô thăm mơ’no liăn cheăng, tơru\m mâu roh ôm hyô a pơlê, ôm hyô ‘na ngăn kơdrum reăng. Kố xuân châ ngăn cho môi túa ôm hyô ki nếo, ki phá tơ-ê dêi kong pơlê. Jâ Nguyễn Thị Bích Ngọc, tối: Pêi chiâk deăng xúa kơmăi kơmok rơxông nếo mơnhông mơdêk a pơlê kong kơdrâm Đà Lạt tung pơla kố nah cho tơdroăng vâ mơnhông mơdêk túa ôm hyô nếo, tơ’mot hên tơmối mot ôm hyô. Xua mê, tung hneăng la ngiâ, mơnhông mơdêk ôm hyô ‘na kơdrum cho môi tung mâu pơkâ xuân môi tiah troăng prôk nếo dêi kơvâ ôm hyô kong pơlê Lâm Đồng. Ngin xuân hiăng ai hên tơdroăng, má môi cho thăm mơ’no liăn cheăng tơbleăng mâu túa ôm hyô kố; má péa nếo, cho tơru\m [a\ kơvâ cheăng, khu râ kăn pơkuâ kong pơlê vâ thăm mơjiâng inâi ôm hyô ‘na kơdrum. Thăm nếo, xuân ai pơkâ to\ng kum ăm mâu kơ koan pêi ‘na ôm hyô ‘na pêi chiâk deăng, mơ’no liăn mơjiâng pro hngêi trăng troăng klông, to\ng kum ‘na hnê mơhno mơngế pêi ‘na ôm hyô, ki málối cho to\ng kum tơbleăng mơhno ‘na tơdroăng mê.

            Laga ki nhên păng ‘nâng, ôm hyô ‘na kơdrum ối tối cho ôm hyô pêi chiâk deăng a Đà Lạt – kong pơlê Lâm Đồng kô mơjiâng sap ing ton nah, laga troh nôkố ki hên cho kuăn pơlê pro xêh. Vâ mơnhông mơdêk ‘na ôm hyô kố, thăm pêi pro ‘na tơdroăng ôm hyô krá tơniăn tung tơru\m cheăng pơla mơnhông mơdêk pêi chiâk deăng [a\ ôm hyô dêi pơlê kong kơdrâm, kong pơlê Lâm Đông kal thế mơjiâng túa pêi cheăng ton xo\n, tơdâng tơ’mô [a\ tơ’lêi, ki málối cho mâu troăng hơlâ, pơkâ túa cheăng troh mâu luât ki phá tơ-ê, kơjo kum mâu khu cheăng, mâu khu tê mơdró, kơ koan ki tơdjâk./.

A Sa Ly tơplôu [ă tơbleăng