NuLec cho môi kơmăi ki mơ’no – tơpâ on tơhrik rơxông nếo, châ tơdjêp [a\ tíu xiâm mơ’no – tơpâ on tơhrik ing hơhngế, châ khu pơkuâ on tơhrik Dak Lak krâ hên a mâu kơmăi klâ xoăng on tơhrik tung lâp kong pơlê. Cho kơmăi ki rôe ing kong têa ê, tung tơnêi têa pin tá hâi ai tơmeăm ki vâ hơ’lêh tâng tro tơ’nhê (ki hên tơ’nhê loăng ki djâ on tơhrik), mê kơmăi kô ôh tá chiâng xúa xếo, pro mơ’nhê hr^ng rơtuh liăn. Vâ kơdroh tơdroăng ki rơheăng [a\ tơhneăng loăng ki tơdjâ on tơhrik – tơmeăm ki xiâm pro tơ’nhê kơmăi pôe, ngoh Phạm Hữu Huỳnh, Ko\ng nhân Xí nghiêp Điện Cơ, ko\ng ti on tơhrik Dak Lak hiăng ai troăng tơmiât tah lôi kơdôu [a\ chhá a loăng ki djâ on tơhrik kơ’nâi mê pro kơdôu [a\ meăm. {a\ tuăn tơmiât kố, kơmăi pôe NuLec hiăng châ xúa ton xo\n [a\ kơtâu tơniăn troăng on tơhrik Dak Lak sap hơnăm 2016 troh nôkố.

Ngoh Phạm Hữu Huỳnh, Ko\ng nhân Xí nghiêp Điện Cơ, ko\ng ti on tơhrik Dak Lak

‘’Kơmăi pôe tung tơdroăng pêi cheăng kô tơ’nhê, gá ôh tá chiâng tơpâ on tơhrik drêng pin vâ tơpâ, gá ôh tá chiâng tơpâ tiah mê drêng pêi cheăng kô ôh tá tơniăn, hlo nhên khât drêng xúa á hlo nhên tơdroăng mê. Tung kơchơ tê mơdró ôh tá ai tơmeăm vâ hơ’lêh xua mê á tơmiât pro tiah lâi vâ pro tơniăn drêng xúa, laga xuân tơniăn kâi trâng tâng on tơhrik lối têi [a\ chiâng tơpâ vâ kơmăi kô pêi cheăng tơniăn ton xo\n’’.

Môi troăng tơmiât ki ê nếo a Ko\ng ti On tơhrik Dak Lak , kum hơ’lêh tung tơdroăng pêi cheăng ăm ko\ng nhân séa ngăn ‘na kơvâ on tơhrik cho ‘’Mơjiâng pro kơmăi hơ’lêh ivá on tơhrik ing hơhngế tung tơdroăng séa ngăn kơmăi klâ axoa\ng on tơhrik’’ dêi kih sư Lưu Công Vĩnh. Pêi cheăng a Khu séa ngăn [a\ rơnêu, Xí nghiêp Điện Cơ, Ko\ng ti on tơhrik Dak Lak sap hơnăm 2010, ngoh Vĩnh re\ng hlo tơdoăng vê ngăn kơmăi klâ axoa\ng on tơhrik [a\ ko\ng kal troh 2 ngế [a\ mơdoh ton chôu. Roh ki lâi rôe kơmăi hên ôh tá teăm séa ngăn tâi, mê tơdroăng chiâng hên h^n tơvâ tơvân. Nôkố, [a\ kơmăi hơ’lêh ivá on tơhrik ing hơhngế, teăng xua 2 ngế pêi mơdoh sap 10 troh 15 phut toi kơxái séa ngăn 1 kơmăi môi tiah hdrối nah, mê nôkố bu tơ’lêi tê, tiâ nu\t a kơ-[âng ki mơ’no – tơpâ ing hơhngế [a\ bu ton 1 phut tê. Sap ing châ mơnhên [a\ xúa tung tơdroăng rêh ối nôkố tung hơnăm 2017, Xí nghiêp hiăng mơnúa pro châ 500 kơmăi klâ xoăng on tơhrik tung tâi tâng 1.230 kơmăi, tơniăn re\ng, châ tơ-[rê, tơro [a\ tơniăn, kơdroh châ tơdế ko\ng nhân pêi cheăng tâng pơchông [a\ hdrối:

‘’Drêng á vêh akố mê hlo 2 ngế pêi, môi ngế râng môi ngế séa ngăn, tơdroăng pêi mơdoh hên ngế, tơdrêng amê mâu kơmăi klâ xoăng on tơhrik nếo rôe hên môi xôh, ai drêng châ hr^ng kơmăi xua mê pơkâ pêi pro thế re\ng, pơkâ xúa 1 kơmăi kơmok ki ê vâ hơ’lêh 1 hneăng pêi ki lâi hlo. Tơdrêng amê túa pêi môi troăng cho ton. Mơngế ki séa ngăn thế hơ’lêh pêi hên tơdroăng vâ séa ngăn, xua mê túa pêi kố thế xúa kơmăi kơmok. Drêng xúa kơmăi kơmok mê á hiăng tơmiât xúa mâu kơmăi ki pêi ing hơhngế. Klêi mê xúa túa pêi kố mê tơdroăng cheăng kâ tơ-[rê hên hlối kơdroh mơngế pêi cheăng’’.

Lưu Công Vĩnh kih sư rơnêu on tơhrik Dak Lak

Tiô pôa Tạ Minh, Pho\ pơkuâ Ko\ng ti on tơhrik Dak Lak, tơdroăng ‘’Tuăn tơmiât rơkê hơ’lêh kih thuât tơtro tung pêi cheăng’’ châ po rơdâ lâp lu [a\ hiăng chiâng tơdroăng tơ’noăng ki kơdrâm mơngế veăng tung khu tê mơdró, [a\ lối 250 troăng tơmiât hơ’lêh kih thuât châ mơnhên sap hơnăm 2010 troh nôkố. Hên troăng tơmiât kih thuât hiăng ăm xúa tung tơdroăng pêi cheăng [a\ mơnhông ki châ tơ-[rê, kum kơd^ng hên liăn [a\ chôu pêi cheăng. Kố xuân cho ing tơdroăng ki mơ-eăm mơjiâng tíu pêi cheăng rơkê dêi rêm ngế kăn [o# nhân viên ko\ng ti:

‘’Tung tơdroăng tơ’noăng pâ nhuo#m tơnêi têa ko\ng ti on tơhrik ngin pơtối rak [a\ mơnhông tơdroăng tuăn ngoâ tơmiât rơkê tung hơ’lêh kih thuât. Ki rơhêng vâ tối troăng tơmiât dêi khu kih sư, ko\ng nhân tung pêi cheăng. Mâu troăng tơmiât rơkê kum hơ’lêh tung pêi cheăng xuân môi tiah mơdêk tung pêi cheăng ăm ko\ng nhân [a\ ai troăng pêi ki ‘na tơmâng troh tung pêi cheăng, tơniăn ivá ăm ko\ng nhân. Tơdroăng ki ai troăng tơmiât rơkê tung pêi cheăng châ po rơdâ hên hơnăm kố. Tung la ngiâ ah xiâm kối dêi mâu tơdroăng pêi châ ko\ng ti ngin kô pơtối mơhnhôk tung tơdroăng tơmiât hơ’lêh kih thuât hên tâ mê nếo’’.

Tơdroăng ‘’Troăng tơmiât hơ’lêh kih thuât’’ châ po rơdâ a Ko\ng ti on tơhrik Dak Lak hiăng châ pơxúa hên. Tơdroăng hiăng mơhnhôk rêm ngế kăn [o#, ko\ng nhân mơhno dêi tơdroăng ki hâk vâ pleăng tâi ăm tơdroăng cheăng, ăm mơjiâng pro hên kế tơmeăm, kơmăi kơmok kum tung tơdroăng cheăng, kum mơdêk tung pêi cheăng, pêi châ tơ-[rê a tíu tơná pêi cheăng rêm hâi./.

Hương Lý chêh

A Sa Ly tơplôu [a\ tơbleăng