Hâi ki lâi xuân môi tiah mê, hmâ troh a mơ’nui chôu kơxê, jâ Ngô Thị Kim Liên, a thôn Hàng Làng, cheăm Gung Reh, tơring Di Linh, kong pơlê Lâm Đồng athế chơ dêi mâu kơthung chhá, lăm hngế to lâi km vâ pâ têa. Jâ Liên ăm ‘nâi, rơnó kố gá tô ó khât, têa klôh ki chiâ dêi rơpo\ng jâ hiăng tâi têa sap ing lối 2 khế hdrối nah, mâu têa klôh ki pong dêi mâu nho\ng o rêh ối tâ tá xuân hiăng xoê, mê vâ ai têa ôu, kâ hum roh rêm hâi, hngêi ki lâi xuân athế lăm hngế vâ pâ têa vâi. Kuăn mơngế ki lăm pâ têa hên môi tiah mơngế lăm kơchơ mê pro tơdroăng ki rêm hâi rế pá puât tâ:

‘’Lăm chơ têa môi tiah kôk khât, ai drêng ‘nâ ôh tá ai têa vâ chơ, pâ têa vâi, vâi ăm mê nếo ai têa ki chơ, tâng vâi ôh ti ăm mê ôh tá chiâng pro ti lâi. Kuăn pơlê tung kố ôh tá ai têa, bô bố xuân lăm pâ, chơ hên h^n. Hngêi á, xua nôkố ôh tá ai têa, mê athế lăm pâ hngế hngo k^ng Kông 2, kôm troh kơxê vâi vêh lăm, mê pin troh, pin pâ châ 2 rôh chơ ai 6 kơthung, athế xúa kơd^ng mê nếo ai têa. Hmân ếo ôh tá ai têa vâ tôh, drêng ‘nâ môi măng t^ng rôh môi xôh’’.

Môi tung mâu têa klôh ki pong vâ ‘no xúa tung ôu kâ hum roh hiăng ôh tá ai xua têa mo\ng  xoê

Tiô pôa K’Keo, kăn pơkuâ chi [o# thôn Hàng Làng tối, to lâi hơnăm hdrối, vâ pơkâ tơleăng tơdroăng ki rơhêng vâ ai têa ôu kâ hum roh ăm kuăn pơlê a tíu kố, Tơnêi têa hiăng ‘no liăn chiâ 2 to klôh tơku\m [ă 2 to têa klôh ki pong mơ’no [ăng klo\ng tơ’moê dêi rơpó troh rêm rơpo\ng. Laga, têa mo\ng xoê re\ng ‘nâng, mâu klôh ki pong têa ôu kâ, hum roh kố hiăng athế pơtê lôi tơdroăng ki ‘no têa. Kuăn pơlê [ă Khu pơkuâ ngăn cheăm hiăng tăng tu\m mâu túa ki ‘mâi rơnêu, la pơrá ôh tá hlo ai tơ-[rê klâi’’.

‘’Sap ing to lâi hơnăm hdrối mê ngin hiăng pơkâ mơ’no ăm kong pơlê, tơring ‘no liăn to\ng kum ‘mâi rơnêu, la troh rơnó tô kố ôh tá ai têa. Tâng hmôu pơ môi tiah kố, ôh tá ‘mâi rơnêu xếo, ôh tá pêi pro tiô tơdroăng ki rơhêng vâ maluâ ai pro nếo, bu mơhrê liăn ngân tơnêi têa xo. Nôkố vâi krâ nho\ng o xúa têa klôh vâi chiâ xo, la bu xúa tung rơnó mê hngê xo [ă rơnó kong tô kố klôh ôh tá têa. Hên vâi krâ nho\ng o athế to rơxế, djiân kơthung lăm xo têa sap ing hngế, nôkố dế trâm hên tơdroăng ki xơpá môi tiah mê’’.

Kuăn pơlê lăm pâ rêm to kơthung têa vâ xúa tiô túa ki kơd^ng má môi

Pôa Lê Văn Thanh, kăn pho\ hnê ngăn Vi [an cheăm Gung Reh, tơring Di Linh ăm ‘nâi, tô mơdrăng rêm hơnăm gá rế ó thăm rế ó tâ. Mâu rơnó tô mơdrăng achê kố, kuăn pơlê tung cheăm hiăng athế xúa mâu têa ki ôh tá rak tơniăn krúa, malối cho [ă vâi krâ nho\ng o hdroâng kuăn ngo a thôn Hàng Làng.

‘’Vâi krâ nho\ng o nôkố ki hên cho xúa mâu têa klôh ki vâi chiâ, troh a rơnó mơdrăng môi tiah kố mê gá pá khât ‘na têa ôu kâ hum roh, pak^ng têa mo\ng, a cheăm kố troh a rơnó tô đi đo tôu tuăn [ă hơ-ui vâi krâ nho\ng o ‘na tơdroăng ki ôh tá ai têa ôu, kâ hum roh xua têa hiăng xoê.

Nôkố tơdroăng kố a Hàng Làng cho pá má môi, tiô túa pơkâ mê la ngiâ kố ah tơring kô xing xoăng liăn vâ ‘no cheăng pro mâu tíu ki ‘măn kơd^ng têa krúa, tơmâng to\ng kum ăm tơdroăng kố’’.

Pak^ng cheăm Gung Reh, tơdroăng ki ôh tá ai têa ôu kâ, hum roh a rơnó tô mơdrăng xuân hmâ trâm a cheăm ki ê dêi tơring Di Linh, môi tiah : Gia Hiệp, Đinh Lạc, Tân Nghĩa, Tân Lâm, Tân Thượng, Tân Châu, Đinh Trang Thượng, Bảo Thuận, Sơn Điền, Gia Bắc [ă hên cheăm ki ê nếo. Tiô tối hdrối, tơdroăng kong tô mơdrăng hơnăm kố a kong ngo Di Linh rế tơ’nôm ó tâ.

Tá kuăn pơlê [ă khu pơkuâ ngăn tơring, cheăm xuân tá hâi ‘nâi pro tiah lâi tung la ngiâ. Xua tiô Vi [an hnê ngăn tơring Di Linh tối, tơdroăng ki ‘no têa kơmăi troh a mâu cheăm kơpong hngế hngó bu chiâng mơ’no tung pơla iâ khế tê.

Quang Sáng chêh

Katarina Nga tơplôu [ă tơbleăng