A tíu ki păn chu dêi rơpo\ng pôa Trần Văn Dắm a tôh kơpho# 7, bêng Ea Tam, pơlê kong kơdrâm {uôn Ma Thuột, kong pơlê Dak Lak ai tơnêi dâng 300 met karê [ă péa to kơdroăng ki kân, dế păn vâ chê 30 to chu kăn [a\ dâng 100 to chu kriếo. Troăng ki mơ’no têa sap ing kơdroăng lo tơdrăng troh a têa plông Ea Tam. Ngoh Đặng Thành Luân, kuăn pơlê ki rêh ối hiăng hên hơnăm a kơpong kố hêng hôu tối, tíu păn chu dêi rơpo\ng pôa Dắm hên hơnăm hlối pro ‘mêi troh hyôh kong prâi, tơnêi tơníu, tơdjâk troh ivá dêi rơpo\ng hngêi ngoh [ă mâu rơpo\ng kuăn pơlê ki rêh ối tâ tá tung kơpong.

‘’Hngêi pôa Dắm păn chu hiăng châ chât hơnăm kố. Apoăng mê bu păn iâ ôh tá ai tơdroăng klâi, klêi kơ’nâi păn hên mê pro ‘mêi ó khât tơdjâk troh kơpong kuăn pơlê rêh ối tâ tá. Rêm rôh khía pêi tơkâ luâ mê xú ‘mêi ó khât ôh pá kâi hiâm, kâ hmê, koi hâi dế athế kl^ng péa la tối tơdjuôm xuân ối xú ‘mêi. Rối, tri trôu a tíu ki tâ tá kơdroăng kơneăng mot tung hngêi ‘mêi khât. Mâu vâi kuăn hmâ kơ-o, tơngê xua êi xôu, xua tơdjâk dêi hyôh xú ‘mêi lo ing kơdroăng kố. Vâi krâ nho\ng o ai rôh veăng tơpui tối thế pôa Dắm la pôa xuân ôh tá vâ hmâng. Ngin tơkôm kơ koan ki ai tơdjâk troh pơkâ tơleăng tơdroăng kố’’.

Rơtế [ă tơdroăng ki ‘mêi hyôh kong prâi, trếo ki mơ’no, têa ki mơ’no ing tíu ki păn chu kố xuân pro mâu têa mo\ng tung kơpong ôh tá chiâng vâ xúa, pro tơ’nhiê troh mâu prá alâi dêi mâu rơpo\ng ki pêt mơjiâng, ối tâ tá. Pôa Triệu Chí Thịnh, kuăn pơlê ki rêh kâ [ă tơdroăng cheăng pêt kơchâi a k^ng kơdroăng păn chu kố ăm ‘nâi.

Kơdroăng păn chu dêi rơpo\ng pôa Dắm pro ‘mêi hyôh kong prâi a bêng Ea Tam

‘’Têa plông nah gá krúa khât, klêi mê pôa Dắm mơ’no têa sap ing kơdroăng ki păn chu lo tơdrăng a têa plông kố, mê nôkố gá ‘mêi tâi. Têa ‘mêi a k^ng hngêi, á tôh kơchâi xuân ôh tá chiâng, hrik têa gá mê [ek gá tro kreăng xua ai to xok ‘mêi, kơchâi tro oâ hdrong kâ ‘nhiê hlâ tâi. Rơhêng vâ pêt nếo athế tơkôm pôa tê dêi chu lơ pâ têa klôh vâ tôh kơchâi mê kơchâi nếo rêh. Ngin pâ thế kơvâ cheăng ‘na kong prâi, Vi [an hnê ngăn pơlê kong kơdrâm {uôn Ma Thuột kal pơkâ tơleăng re\ng ăm kuăn pơlê ngin’’.

Tiô pôa Y Ser Mlô, kăn pho\ hnê ngăn Vi [an bêng Ea Tam, tung pơla hdrối nah, bêng ai tơdah xo đơn tối tơbleăng dêi vâi krâ nho\ng o ‘na tíu păn chu dêi rơpo\ng pôa Dắm pro ‘mêi troh hyôh tơnêi tíu tâ tá tơdjâk troh tơdroăng rêh ối vâ chê 70 rơpo\ng kuăn pơlê a tôh kơpho# 7 [ă kơpong tâ tá. Bêng hiăng mơjiâng khu ki lăm séa ngăn lăm mơnhên ‘na tơdroăng kố [ă phâk liăn ai 3 rơtuh 700 rơpâu, tơdrêng amê hnối pơkâ thế ngế ki pơkuâ tíu ki păn chu kố athế kơdroh kơxo# chu păn, pêi klêi troăng klôh biogas, kơnâng kâng vâ rak tơniăn krúa le\m hyôh tâ tá, tơnêi tơníu.

‘’Tung la ngiâ ah, ngin pơkâ thế mâu nho\ng o pơtối séa ngăn [ă pơtối hmâng mâu rơkong veăng tơpui tối sap ing kuăn pơlê. Tâng rơpo\ng pôa Dắm ối pro xôi nếo mê kô pơkâ thế kơvâ cheăng ki ai tơdjâk troh phak [ă kơlo ki hên tâ; tâng ối pro xôi kân tâ kô pâ thế Vi [an hnê ngăn pơlê kong kơdrâm ai túa ki pơxâu phak kô ‘mâi xe\n kơdroăng chu kố troh tíu ki ê vâ rak tơniăn kong prâi tơnêi tíu rêh ối ăm kuăn pơlê’’.

Klêi kơ’nâi 4 khế sap ing pơkâ pơxâu phak dêi bêng Ea Tam, tơdroăng ki ‘mêi xua ing kơdroăng păn chu a tôh kơpho# 7 kố, xuân ối môi tiah ton. Ngế ki pơkuâ tíu ki păn chu kố, pôa Trần Văn Dắm tối tiah kố, á pro ‘mêi troh hyôh kong prâi mê á nâp liăn phâk, tơdroăng ki ‘mâi xe\n kơdroăng chu, pôa ôh tá chiâng pro:

‘’Rơpo\ng á păn chu pro ‘mêi troh hyôh kong prâi mê tâng tro pơxâu rơpo\ng á kô nâp liăn phâk. Chu hiăng kân luâ râ ôh tá chiâng vâ ‘mâi xe\n kơdroăng ki nếo. La ngiâ ah á kô hơ’lêh pro tíu ki păn a Châu Sơn vâ pôi tá tơdjâk troh kuăn pơlê, rak tơniăn kong prâi tơnêi tíu ăm tá rơpo\ng hngêi á há’’.

Châu Sơn, tíu ki pôa Trần Văn Dắm tối hdrối kô djâ dêi chu mot tung kố vâ păn a cheăm }ư\ Êbur, pơlê kong kơdrâm {uôn Ma Thuột, kong pơlê Dak Lak, la nôkố xuân dế pro ‘mêi hyôh tơnêi tíu, kong prâi ó, xua kuăn pơlê păn roăng mơ’no têa ‘mêi. Pôa Trần Hoài Nam, kăn [o# cheăng ‘na tơnêi tơníu, mơjiâng, kong prâi tơnêi tơníu cheăm }ư\ Êbur ăm ‘nâi: 3 hơnăm hdrối, Vi [an hnê ngăn cheăm hiăng pơkâ mơ’no tơdroăng ki pơxâu phak liăn dâng 14 ngế ki pơkuâ tíu păn tơmeăm, tíu păn kố pro ‘mêi troh hyôh kong prâi [ă pơkâ thế tơhrâ rak tơniăn kong prâi tung pơla păn.

Laga, xua mâu kơdroăng păn ối tung kơpong kuăn pơlê rêh ối [ă tá hâi ‘no liăn pro tíu ki mơ’no têa ‘mêi mê tơdroăng ki ‘mêi xuân ôh tá kâi ví.

Tíu păn í a cheăm }ư\ Êbur pro ‘mêi troh kong prâi

{ă pôa Nguyễn Mạnh Hà, kăn hnê ngăn Vi [an cheăm }ư\ Êbur ăm ‘nâi: cheăm kố ai 47 tíu ki păn chu, í, tung mê hên tíu păn ối tung kơpong kuăn pơlê rêh ối. Ki hên mâu tíu păn kố pơrá păn roăng hên sap ing rơpâu troh to lâi chât rơpâu to í [ă lối hr^ng to chu ku\n. Tung mâu hơnăm hdrối, sap ing tơdroăng tối tơbleăng dêi kuăn pơlê ‘na ki ‘mêi kong prâi tơnêi tíu xua ing mâu tíu ki păn chu, í pro, khu kăn pơkuâ cheăm hiăng mơjiâng khu ki pêi dêi hnoăng cheăng lăm séa ngăn đi đo.

Vi [an hnê ngăn cheăm hiăng po hên rôh séa ngăn [ă pơxâu phak liăn [ă hên ngế ki pơkuâ tíu păn ki pro ‘mêi hyôh kong prâi, tơdrêng amê hnối pơkâ thế ngế ki pơkuâ tíu păn tơhrâ rak tơniăn kong prâi la tơdroăng kố xuân ối trâm đi đo.

Tuấn Long chêh

Katarina Nga tơplôu [ă tơbleăng