VOV4.Sêdang - Hbrâ ăm hnoăng cheăng mơ’no on tơhrik tung rôh tơ’noăng râ má pái phôh thông tơnêi têa hơnăm kố a kong pơlê, Ko\ng ti on tơhrik Dak Lak hiăng hbrâ pêi cheăng [ă Khu ngăn hnê hriâm [ă hnê mơjiâng tơdroăng rơkê, ‘nâi nhên i nâi mâu tíu tơ’noăng, mâu tíu in ko [ai tơ’noăng [ă chấm [ai tơ’noăng. Sap ing mê, hnê mơhno mâu on tơhrik ki ối tung mơjiâng túa pơkâ mơ’no on tơhrik, rak tơniăn on tơhrik.

Pôa Tạ Minh, kăn pho\ pơkuâ kih thuât, Ko\ng ti On tơhrik Dak Lak ăm ‘nâi, kăn pơkuâ ko\ng ti veăng [ă Khu hnê mơhno rôh tơ’noăng, đi đo séa ngăn hnê mơhno mâu tíu cheăng ối tung tơdroăng pơkâ ‘na on tơhrik, re\ng ‘mâi rơnêu mâu tíu ki ôh tá tơniăn ‘na on tơhrik vâ mơdât tơdroăng ki ôh tá mơhúa.

Pák^ng mê, Ko\ng ti On tơhrik Dak Lak xuân pơkâ thế mâu tíu cheăng ki ối tung tơdroăng pơkâ hbrâ tu\m mâu kế tơmeăm, ki hbrâ rơnáu xuân môi tiah mơdêk hnoăng cheăng gâk mơ’no, pơkâ tơleăng tơdroăng xía vâ, rak tơniăn tơdroăng kal tối tơbleăng tung plâ rôh po tơ’noăng.

‘’Ko\ng ti On tơhrik Dak Lak xuân ai veăng tung Khu hnê mơhno rôh tơ’noăng râ má pái phôh thong Tơnêi têa dêi kong pơlê [ă veăng séa ngăn hnoăng cheăng hbrâ rơnáu dêi mâu tơring. Tối tơbleăng hnoăng cheăng hbrâ mơ’no on tơhrik tung rôh tơ’noăng mê ko\ng ti hiăng tối tơbleăng troh mâu on tơhrik mâu tơring hbrâ tơdroăng ki mơ’no on tơhrik tro ‘ló má môi.

Tơdrêng a mê hnối tối tơbleăng ‘mâi rơnêu mâu tơdroăng ki trâm mơni kô pro ôh tá ai on tơhrik tung rôh tơ’noăng. Nôkố hnoăng cheăng hbrâ rơnáu kố hiăng klêi tâi tâng, mâu on tơhrik mâu tơring hiăng ai túa pơkâ hbrâ rơnáu tung tơdroăng ki tâng trâm tơdroăng ki ôh tá mơhúa mê kô ai mâu tơdroăng ki ‘mâi rơnêu re\ng má môi [ă ai túa pơkâ mơ’no on tơhrik hbrâ rơnáu rak tơniăn mơ’no on tơhrik tơniăn tung plâ po rôh tơ’noăng’’.

Katarina Nga tơplôu [a\ tơbleăng