VOV4.Sêdang - Hlo tơdroăng ki tâ tú rơ-iêo dêi pơreăng, kong pơlê Dak Lak hiăng mơjiâng Hngêi pơkeăng pơtân kơxô̆ 2 (dâng 1.500 to xoăng pơlât, pro a hngêi hnê tơdroăng kal kí kong pơlê Dak Lak, kơxô̆ 1 Nguyễn Lương Bằng, bêng Tân Hòa, Pơlê kong kơdrâm Ƀuôn Ma Thuột) vâ pơlât ăm mâu ngế ki tâ pơreăng COVID-19. Rak tơniăn ăm hngêi pơkeăng rĕng tơdah xo pơlât mâu ngế ki tâ pơreăng, tung 2 hâi lơ 31/10 ƀă lơ 1/11, kŏng ti on tơhrik Dak Lak hiăng xing xoăng mâu khu ki pêi cheăng rĕng séa ngăn, ‘mâi rơnêu, krâ ‘măn troăng on tơhrik kum ăm Hngêi pơkeăng pơtân kơxô̆ 2.

Kŏng nhân on tơhrik ‘mâi rơnêu troăng on tơhrik tung hngêi pơkeăng pơtân  kơxô̆ 2

Tíu pêi cheăng hiăng ‘mâi rơnêu troăng on tơhrik tung hngêi, pơ’lêh mâu kơxái ki mơ’no on tơhrik hạ áp, mơdêk dung lương trạm biến áp troh 400kVA ƀă hbrâ tơ’nôm 1 tơdroăng ki rơnáu. Troh 17 chôu hâi lơ 1/11, hnoăng cheăng ‘no on tơhrik ăm Hngêi pơkeăng pơtân hiăng klêi, hbrâ tŭm mâu tơdroăng vâ Hngêi pơkeăng tơdah xo mâu ngế ki tâ pơreăng.

Katarina Nga tơplôu ƀă tơbleăng