VOV4.Sêdang - Pôa Bùi Thanh Sơn, Ngế xiâm tơpui kâ hiăng krếo phôn tơpui ƀă  Ngế xiâm tơpui kâ kong têa Singapore cho pôa Vivian Balakrishnan. Pôa Bùi Thanh Sơn khê̆n kơdeăn tơdroăng veăng kum dêi Singapore kum ăm Việt Nam, malối cho tơhrâ kum mâu tơmeăm xúa tung khăm pơlât, tơmeăm plâ mơdât pơreăng COVID-19, tung mê, ai Liăn ‘măn kơdĭng Temasek dêi Singapore hiăng diâp ăm Việt Nam 16 toăng kơmăi hiâm ƀă hrĭng tơmeăm vâ kring vế ‘na khăm pơlât; ngăn mê cho vâ mơhno ki tơrŭm krá pơla péa tơnêi têa.

Tơpui tơno ‘na tơdroăng pơla péa pâ, péa Ngế xiâm tơpui kâ vâ môi tuăn thăm mơdêk tâ nếo mâu tơdroăng tơrŭm ‘na kal kí, cheăng kâ, tê mơdró, ‘no liăn cheăng, hnê hriâm ƀă hnê mơjiâng tuăn ngôa rơkê vâ ôh tá la lâi pơtê rế mơnhông tơrŭm cheăng pơla Việt Nam - Singapơre.

Gương tơplôu ƀă tơbleăng