VOV4.Sêdang - Klăng roh veăng a hneăng hôp Đảng [o# kong pơlê Dak Nông roh má 11, kơhâi dế lơ 24 khế 9, pôa Đinh Thế Huynh, Kăn pơkuâ hnê ngăn cheăng Đảng Tơnêi têa, Kăn pơkuâ pơtâng tối tơdroăng kal Tơnêi têa troh diâp hnoăng liăn hriâm rơkê ăm hok tro mơ-eăm tơkâ hluâ pá puât, hriâm rơkê dêi hngêi trung râ má pái hdroâng kuăn ngo ai tíu kâ koi ối pơtê N’Trang Lơng [a\ hơhbruô kơxuô kế tơmeăm Têt Trung Thu ăm vâi hdrêng ai tơdroăng rêh ối pá puât tung kong pơlê Dak Nông. 

Diâp hnoăng liăn ăm hok tro xahpá hriâm rơkê

Xông tơpui a roh hơhbruô kế tơmeăm khoăng, pôa Đinh Thế Huynh tối rơdêi, klăng roh Têt Trung Thu hơnăm kố pơtối pêi pro tơdroăng, dó inâi khế pêi cheăng dêi khu vâi hdrêng cho ‘’Tơmâng vâi hdrêng tơpui’’. Xua mê, mâu khu pú hên, khu môi ngế xêh, khu tê mơdró, pơlê pơla kal tơchuôm ivá mơjiâng kong prâi krúa le\m, tơniăn le\m, vâ vâi hdrêng xông kân mo dâi rơkê ple\ng. Mâu khu râ kăn pơkuâ cheăng Đảng kong pơlê, khu râ kăn pơkuâ kong pơlê kal tơmâng, tơku\m po hên tơdroăng vâ kum vâi hdrêng kơtiê, ai tơdroăng rêh ối pá puât. Pôa Đinh Thế Huynh rơkâu mâu vâi o pho#m xông kân, vâi hdrêng tung kong pơlê tơdah Têt Trung Thu sôk suâ, phâi tơtô, hơniâp ro, đi đo môi tuăn, tơmâng kum dêi pó, tơxâng cho kuăn nguăn, hok tro rơkê, cháu chái loi nguăn dêi Pôa Hồ.

A Sa Ly tơplôu [ă tơbleăng