VOV4.Sêdang - Kơxo lơ 10/9, a Hà Nội, Khu hnê mơhno, hnê mơhnhôk rêh ối pơlê pơla - Khu hnê mơhno tơnêi têa hbrâ mơdât pơreăng COVID-19 tơkŭm po hneăng hôp tơbleăng pơkâ pơtối tơkŭm po rôh mơhnhôk, veăng tơlo  liăn tơmeăm khoăng ‘’Tâi tâng kuăn pơlê môi tuăn hbrâ mơdât COVID-19’’. Pôa Đỗ Văn Chiến, Kăn hnê mơhno cheăng Đảng, Kăn xiâm hnê ngăn Vi ƀan xiâm Măt trâ̆n tơnêi têa Việt Nam, Ngế pơkuâ Khu hnê mơhno pơkuâ hneăng hôp ăm ‘nâi, vâ mơhnôk tăng mâu ngế veăng tung tơdroăng hbrâ mơdât pơreăng, Khu hnê mơhno mơhnhôk pơlê pơla kô tơkŭm, po mơhnhôk mâu kăn ƀô̆, mâu kăn pơkuâ, mâu ngế pêi cheăng ăm tơnêi têa , mâu ngế pêi cheăng ki ê tung lâp tơnêi têa veăng tơlo liăn môi ngế ki iâ gá 1 hâi liăn khế ăm tơdroăng plâ mơdât pơreăng.

Tơdrêng amê, mơhnhôk mâu khu mơdró, khu tơrŭm cheăng, mâu kuăn pơlê, mâu cheăng ‘na ngăn loăng kong, păn rơnăng ká xi xŏng vâ veăng kum kuăn pơlê kơpong klâ kơtăn, klâ krê, tíu klâ kơtăn, tíu pơlât mâu ngế tâ COVID-19. Pakĭng mê, Khu hnê mơhno pơtối mơhnhôk veăng kum hmê kâ hơ-ui pâ, kum mâu ki xơpá xua pơreăng tâ tú.

Gương tơplôu ƀă tơbleăng