VOV4.XơĐăng - Kơxê lơ 29/12, pôa Lê Minh Khái, Ngế pro xiâm phŏ hnê ngăn hiăng veăng hôp tơbleăng tơdroăng cheăng dêi hngêi rak liăn ngân hơnăm 2022. Ngê pro xiâm phŏ hnê ngăn tơnêi têa khĕn kơdeăn hngêi rak liăn tung hơnăm hdrối hiăng ‘măn lối 5 rơpâu rơtal liăn kum mâu tơdroăng rêh ối pơlê pơla tung lâp tơnêi têa, tung mê krê 3,2 rơpâu rơtal liăn kum tơdroăng hbrâ mơdât COVID-19.

Pôa Lê Minh Khái, Ngế pro xiâm hnê ngăn tơnêi têa tối tơbleăng a hneăng hôp

Hơnăm nếo 2022, Ngế pro xiâm phŏ hnê ngăn tơnêi têa ngăn ‘na kơvâ hngêi rak liăn ngân thế pơtối kơdroh liăn rơkâ ki ăm mung, malối cho ƀă mâu kơvâ tŏng kum. Mơdêk ki tơ-ƀrê tung tơdroăng ăm mung ƀă tăng liăn ki ăm mung xúa tung pêi cheăng tê mơdró, mơdêk mâu tơdroăng tơkêa mơjiâng tơmeăm khoăng. Tơbleăng pêi tơ-ƀrê mâu tơdroăng ‘na mung liăn tŏng kum, kum mâu kuăn pơlê khu mơdró ki trâm pá.

Pôa Lê Minh Khái xuân pơkâ thế kơvâ hngêi rak liăn mơdêk tăng liăn mung tơ-ƀrê, veăng kơdroh tơdroăng ăm mung liăn tơvêh chĕn hên ƀă tơdroăng xôi ‘na ăm mung liăn ing mâu tơdroăng xúa kŏng ngê̆.

Gương tơplôu ƀă tơbleăng