VOV4.Xơ Đăng Kơxo lơ 15/12, a tíu pêi cheăng Chin phuh, pôa Lê Văn Thành, Ngế xiâm phŏ hnê ngăn tơnêi têa pơkuâ hneăng hôp mơ’no tơdrêng tiô troăng hyôh Internet séa ngăn, hnê tối, tah lối tơdroăng pá, tơvâ tơvân, mơdêk tăng liăn vâ ’no pêi cheăng mơjiâng tơmeăm khoăng tơnêi têa hơnăm 2021. Tối tơbleăng dêi Khu xiâm rak ngăn liăn ngân, ƀă 12 Khu xiâm, kơ koan xiâm tơnêi têa ƀă kong pơlê cho mâu ki séa ngăn, riân troh lơ 30/11/2021 hiăng xo liăn ngân vâ chê 28 rơpâu rơtal liăn, nếo châ 36%.

Mâu Khu xiâm, kơ koan xiâm tơnêi têa ƀă kong pơlê ai kơxô̆ liăn ăm pêi cheăng iâ. Khu xiâm ngăn tê mơdró, Khu xiâm mơjiâng tơmeăm khoăng, Pơlê kong kân Hồ Chí Minh... malối xuân ối ai mâu khu xiâm, kơ koan xiâm tơnêi têa ƀă kong pơlê hâi xoăng tâi pơkâ liăn ăm pơcháu. Ƀă kơxô̆ liăn ngân kong pơlê, ối 12 kongpơlê hâi xing xoăng tâi pơkâ châ Ngế pro xiâm hnê ngăn tơnêi têa ƀă kong pơlê, pâ thế ki hlo cho tơdroăng tơdjâk troh pơkâ hơnăm 2021 cho hơnăm pâ thế ăm phêp pro ton pơkâ hdró liăn ‘no pêi cheăng ăm tơnêi têa tung hơnăm 2021 vâ troh hơnăm 2022.

Gương tơplôu ƀă tơbleăng