VOV4.Sêdang - Pôa Lê Văn Thành, Ngế pro xiâm phŏ hnê ngăn tơnêi têa nếo séa ngăn tíu hngêi kơmăi on tơhrik Hòa Bình po rơdâ tung pơla kơpong tro tơdjâk xua kong mêi ton hâi hiăng hluâ. Klêi kơ’nâi séa ngăn tíu hngêi kơmăi on tơhrik, pôa Lê Văn Thành ƀă khu râ kăn pêi cheăng hiăng ai roh pêi cheăng ƀă khu râ kăn pơkuâ mâu khu xiâm, kơvâ cheăng, kong pơlê Hòa Bình, Grup pơkuâ on tơhrik Việt Nam. Xông tơpui mơgêi roh pêi cheăng, pôa Lê Văn Thành tối, tơdroăng tơnêi tơhnah tơhnâp xua hên xiâm kối môi tiah kong mêi kân ton hâi, xua tơnêi tơníu kong kế ƀă môi iâ xua tơdjâk dêi hngêi kơmăi on tơhrik.

Pôa Lê Văn Thành, Ngế pro xiâm phŏ hnê ngăn tơnêi têa tơmâng khu mơ’no liăn mơjiâng pro tơmeăm tơbleăng ‘na tơdroăng mơjiâng pro tơdroăng tơkêa bro

Ngế pro xiâm phŏ hnê ngăn tơnêi têa pơkâ thế tơniăn khât hngêi kơmăi on tơhrik Hòa Bình, ki má lối cho long têa hngêi kơmăi on tơhrik Hòa Bình, rak vế loăng pơlái kong kế, tơmeăm khoăng, tơniăn ăm mâu tơmeăm tung kơpong, ki rơhêng vâ tối cho um meăn Pôa Hồ. Tung tơdroăng mơjiâng pro, thế rak tơniăn păng ‘nâng ăm kŏng nhân.

A Sa Ly tơplôu ƀă tơbleăng