VOV4.Sêdang - Lơ 10/9, pôa Nguyễn Phú Trọng, Kăn xiâm pơkuâ hnê ngăn Đảng, Kăn xiâm hnê mơhno cheăng xiâm ‘na hbrâ mơdât kâ kơluâ pơkuâ hneăng hôp Kal kí  tối tơdroăng veăng hnê tối tơdroăng tơkêa bro ‘’ ‘mâi rơnêu, tơ’nôm ivá cheăng dêi Khu hnê mơhno xiâm tơdroăng ‘na hbrâ mơdât kâ kơluâ”, hnê hbrâ mơdât kâ kơluâ tung la ngiâ. Klêi tơmâng kăn teăng mâ Khu ngăn tơdroăng cheăng xiâm - kơ koan hnê mơhno tơbleăng tơdroăng chêh pơtroh tơdroăng tơkêa bro, Khu xiâm kal kí tơpui tơno ƀă môi tuăn ‘na mâu tơdroăng tơkêa bro, pôa Nguyễn Phú Trọng, Kăn xiâm pơkuâ hnê ngăn Đảng tối nhên, tơdroăng cheăng ki kal hnê mơhno xiâm hbrâ mơdât kâ kơluâ tung la ngiâ cho hnê mơhno tơdroăng cheăng hbrâ mơdât hnâ mơdât kâ kơluâ, ki xiâm cho rế ôh tá tơdrăng ‘na tuăn ngôa, tơdroăng kal kí, tơdroăng rêh ối tung kăn ƀô̆ mâu kăn, khu rak ngăn rêm râ mâu tôh mâu khu tơrŭm cheăng tung tơdroăng kal kí lâp tơnêi têa.

Tiô Kăn xiâm pơkuâ hnê ngăn Đảng, tơdroăng khu xiâm kal kí pơkâ ‘mâi rơnêu, tơ’nôm hnoăng cheăng pêi, hnoăng pơkuâ dêi khu hnê mơhno cheăng xiâm tơnêi têa hbrâ mơdât kâ kơluâ vâ hnê mơhno hbrâ mơdât kâ kơluâ ƀă hnê mơdât tơdroăng ôh tá tro pơtối mơhno hnoăng ki mơ-eăm dêi Đảng, tơnêi têa tung tơplâ mơdât kâ kơluâ, ôh tá la lâi pơtê, pro lĕm tung mâu kăn ƀô̆ đảng viên, ai tiô tơdroăng púi vâ, ai tiô tơdroăng púi vâ loi tơngah dêi kuăn pơlê ƀă hnoăng cheăng kăn hnê ngăn Đảng.

Gương tơplôu ƀă tơbleăng