VOV4.Xơ Đăng - Kơxo lơ 9/12, a Hà Nội, pôa Nguyễn Phú Trọng, kăn xiâm pơkuâ hnê ngăn Đảng pơkuâ hneăng hôp mâu kăn ƀô̆ tung lâp tơnêi têa, tơpui mơgêi, tơbleăng Mơgêi ƀă Pơkâ dêi khu kăn xiâm tơdroăng mơjiâng ƀă ‘mâi rơnêu Đảng tơdroăng ‘mâi rơnêu hnoăng cheăng a Hneăng hôp xua Khu xiâm kal kí, Khu kăn Đảng tơkŭm po tiô tơdroăng mơ’no tơdrêng tung măng Internet.

Tâi tâng a hneăng hôp

Tơbleăng hnê mơhno a hneăng hôp, pôa Nguyễn Phú Trọng, Kăn xiâm pơkuâ hnê ngăn Đảng tối nhên tơdroăng tơmiât pêi pro cho mơjiâng Đảng thế đi đo rơtế ƀă ‘mâi rơnêu, ‘mâi mơnhông Đảng; thế đi đo krúa lĕm, krá rơdêi ‘na tơdroăng kal kí, ‘na tuăn mơno ƀă ‘na tơkŭm po. Pô Hồ Chí Minh Kăn xiâm hnê ngăn tơnêi têa hneăng hdrối hên tơdroăng pâ nhoăm dêi pin hdrối pôa vâ tơklâ ing plâi tơnêi hdrối vâ hlâ, tung Hlá mơ-éa pơchân tối ki tĭng,

Pôa hiăng pơchân nhên: Klêi tơnêi têa châ tơleăng lĕm peăng Hdroh, lâp tơnêi têa tơrŭm môi mê tơdroăng ki thế pêi pro ahdrối cho ‘mâi rơnêu, ‘mâi mơnhông nếo Đảng. Đảng rơdêi mê kăch măng nếo kâi ƀlêi trâng xuân môi tiah tơdroăng pơto pơtih ngế ki xiâm râng loăng vo plong rơkê vê mê plong nếo chiâng prôk.

Gương tơplôu ƀă tơbleăng