VOV4.Xơ Đăng - Hâi lơ 19/11, a Tíu pêi cheăng xiâm Đảng, pôa Nguyễn Phú Trọng, Kăn xiâm pơkuâ hnê ngăn Đảng pơkuâ hôp Khu xiâm kal kí, Khu xiâm pơkuâ hnê ngăn cheăng Đảng vâ séa ngăn, hôu tối Khu pơkuâ Đảng Khu xiâm pơkuâ ngăn pơkeăng ƀă khăm pơlât, Khu kăn ƀô̆ Đảng ŭy Vi ƀan kong pơlê Hà Nam hneăng hơnăm 2016 – 2021 ƀă mâu ngế krê cho kăn ƀô̆ pơkuâ, cho kăn pơkuâ dêi Khu xiâm pơkuâ ngăn pơkeăng ƀă khăm pơlât dêi kong pơlê Hà Nam.

Ngăn tiô tơdroăng xiâm, mâu tơdroăng pro xôi, tiô tơdroăng hvái ngăn dêi tơdroăng pro xôi, tơdroăng ki ‘nâi dêi tơdroăng tơná pro xôi, tơdroăng ki ôh tá tro, mâu tơdroăng veăng kum dêi rêm khu Đảng ƀă rêm ngế krê, Khu xiâm kal kí pơkâ pêi pro hôu tối ƀă Khu kăn ƀô̆ Đảng Khu xiâm ngăn pơkeăng ƀă khăm pơlât hneăng hơnăm 2016 – 2021; pêi pro tơdroăng pơxâu ƀă kheăn tối, tơdrêng amê ăm pơtê cheăng kăn pơkuâ gak kring, rak ngăn ivá kăn ƀô̆ Tơnêi têa ƀă jâ Nguyễn Thị Kim Tiến. Khu pơkuâ hnê ngăn cheăng Đảng pơkâ pơxâu ƀă troăng kheăn hôu ƀă khu kăn ƀô̆ Đảng ủy kong pơlê Hà Nam hneăng hơnăm 2016 – 2021; pêi pro pơxâu ƀă troăng mơ’no lo ing Đảng ƀă pôa Trương Quốc Cường; pêi pro tơdroăng pơxâu ƀă troăng kheăn hôu ƀă pôa Nguyễn Xuân Đông; ăm pơtê cheăng Kăn cheăng tung Khu hnê mơhno má môi Tĭnh uỷ Hà Nam hneăng hơnăm 2020 – 2025 ƀă pôa Đinh Văn An.

A Sa Ly tơplôu ƀă tơbleăng