VOV4.Xơ Đăng - Kơxo lơ 16/12, a Hà Nội, Kuân ủy Tơnêi têa tơkŭm po Hneăng hôp roh má 3, hneăng hơnăm 2020 – 2025 tơbleăng ăm pêi pro Tơbleăng mơdêi tơdroăng pêi cheăng lêng, gâk kring cheăng lêng hơnăm 2021, mơnhên troăng pơkuâ pêi pro hnoăng cheăng lêng, tơdroăng gak kring cheăng lêng ƀă mơjiâng Đảng ƀô̆ khu lêng hơnăm 2022. Pôa Nguyễn Phú Trọng, Kăn xiâm pơkuâ hnê ngăn Đảng, Kăn xiâm pơkuâ hnê ngăn cheăng Đảng kơvâ cheăng lêng tơnêi têa pơkuâ Hneăng hôp.

Xông tơpui pơxiâm po hneăng hôp, pôa Nguyễn Phú Trọng pói vâ, mâu kăn teăng mâ tơkŭm hriăn plĕng, veăng tơpui tối tung tơdroăng Tơbleăng mơgêi tơdroăng cheăng lêng, gak kring cheăng lêng hơnăm 2021, ƀă môi tuăn mơnhên troăng prôk la ngiâ pơkuâ pêi pro hnoăng cheăng lêng, gak kring cheăng lêng ƀă mơjiâng Đảng ƀô̆ Khu lêng hơnăm 2022 ƀă tá hneăng cheăng.

Kơxê rơtế môi hâi, Đăi tươ̆ng Phan Văn Giang, Ngế xiâm pơkuâ lêng pơkuâ Hneăng hôp Kuân ủy Tơnêi têa tơbleăng ăm pêi pro; Tơdroăng pơkâ dêi tơdroăng cheăng Đảng kơvâ lêng tơnêi têa ‘na ‘’Mơnhông mơdêk tuăn hiâm lĕm ‘’Mô đô̆i Pôa Hồ’’; Tơbleăng mơgêi pêi pro Pơkâ dêi tơdroăng cheăng Đảng kơvâ lêng Tơnêi têa ‘na ‘’Pơkuâ hnoăng cheăng pêi kâ, mơjiâng tơdroăng cheăng kâ tơrŭm cheăng lêng dêi Khu lêng troh hơnăm 2020’’ ƀă hía hé.

A Sa Ly tơplôu ƀă tơbleăng