VOV4.Xơ Đăng - Hâi lơ 20/12, a Hà Nội hiăng po hneăng hôp Đảng ủy Kŏng an Xiâm tơnêi têa. Hnê mơhno a hneăng hôp, pôa Nguyễn Phú Trọng, Kăn xiâm hnê ngăn Đảng tối nhên, ƀă kơvâ cheăng kŏng an hơnăm 2021 cho môi hơnăm pá puât. la xuân hak tơngăm, mơhno ăm hlo tơdroăng ki lĕm tro. Ing hnoăng pơkuâ dêi Đảng, rak ngăn, pơkuâ dêi Tơnêi têa, tâi tâng mâu lêng Kŏng an pê klêi mâu tơdroăng cheăng dêi kŏng an hơnăm kố, tung mê, ai hên tơdroăng pêi tơ-ƀrê, môi tiah: Pêi tro tơdroăng tơpui kâ, mâu tơdroăng hnê mơhnôk cheăng tung pơla ai tơdroăng pá tơvâ tơvân; veăng hbrâ pêi mâu tơdroăng, tơ-ƀrê a tơdroăng hbrâ mơdât kâ kơluâ, tơdroăng ki oh tá tro.

Pôa Nguyễn Phú Trọng, Kăn xiâm pơkuâ hnê ngăn Đảng tối tơbleăng hnê mơhno a hneăng hôp

 Tối ‘na tơdroăng cheăng tung la ngiâ, pôa Nguyễn Phú Trọng pơkâ thế, Đảng bộ kŏng an  xiâm, mâu kŏng an kuăn pơlê pơtối rak vế hnoăng cheăng tơ-ƀrê, túa pêi cheăng rơkế hdrối nah, hbrâ tí tăng ‘nâi mâu tơdroăng; vâ pôi tá kơdrâ tung tŭm tơdroăng. Hbrâ rơnáu mâu troăng rơhlâ, túa tơleăng mơnhên teăm tơdrêng ƀă tơdroăng kring vế tơniăn mâu tơdroăng kal kí dêi tơnêi têa.

Gương tơplôu ƀă tơbleăng