VOV4.Sêdang - Kơxo lơ 15/9 a Hà Nội, Khu kăn cheăng tung tíu xiâm tơkŭm po hneăng hôp lâp tơnêi têa mâu Kơ koan Xiâm tơbleăng Pơkâ hneăng hôp má 13 dêi Đảng. Pôa Nguyễn Phú Trọng, Kăn xiâm pơkuâ hnê ngăn Đảng troh veăng hôp hlối tơbleăng hnê mơhno hneăng hôp. Tơpui hnê mơhno hneăng hôp, pôa Nguyễn Phú Trọng tối nhên, môi tơnêi têa, môi tơdroăng rêh ối pơlê pơla vâ lĕm tơniăn pakĭng hnê hriâm, hnê mơhnhôk, thế ai luât pơkâ tơtro, luât phêp tơnêi têa, thế ai luât pơkâ kơtăng vâ kring vế ki lĕm, ki tro, ki ‘ló ; hôu hnê, pơxâu phâk tâng pro tơdroăng ki ‘mêi, ki ôh tá tro, ki pro ‘mêi ăm kuăn pơlê, tơnêi têa, tơkéa vâ tôi thế ai ki tơdâng tơ’mô ‘na luât pơkâ, luât mơ’no thế pêi pro, thế ai luât phêp tơnêi têa, vâ ai ti mê thế ai mâu kơ koan xiâm tơnêi têa.

Pôa Nguyễn Phú Trọng, Kăn xiâm pơkuâ hnê ngăn Đảng veăng hôp lâp tơnêi têa mâu kơ koan xiâm tơbleăng pơkâ hneăng hôp má 13

Ing tơdroăng ki kố, pôa Nguyễn Phú Trọng, Kăn xiâm pơkuâ hnê ngăn Đảng pơkâ thế, mâu kơ koan xiâm thế pêi pro tơniăn hnoăng pơkuâ, hnê mơhno tro khât, tŭm tâi tâng dêi Đảng ƀă mâu kơ koan cheăng xiâm tối tơchoâm, rak krá ƀă mơdêk hnoăng pơkuâ, hnê mơho tơdrêng ‘na tŭm tơdroăng dêi Đảng ƀă mâu lêng tối krê. Kố cho tơdroăng ki xiâm pơkâ kring vế tơniăn ki châ ƀlêi trâng tŭm tơdroăng ki châ pơcháu.

Gương tơplôu ƀă tơbleăng