VOV4.Sêdang - A tíu pêi cheăng xiâm Đảng, pôa Nguyễn Phú Trọng, Kăn xiâm pơkuâ hnê ngăn Đảng, Kăn xiâm hnê ngăn Đảng Nhân yân Kul, pôa Samdech Hun Sen, Ngế pro xiâm hnê ngăn Chin phuh Kul ƀă pôa Thoongloun Sisoulith, Kăn xiâm hnê ngăn kong têa Lếo nếo ai Roh trâm mâ khu râ kăn xiâm Việt Nam – Kul – Lếo.

Pôa Nguyễn Phú Trọng, Kăn xiâm pơkuâ hnê ngăn Đảng veăng roh trâm mâ khu râ kăn xiâm Việt Nam – Kul – Lếo

A roh trâm mâ, pái kăn xiâm pơkuâ dêi pái Đảng hiăng tơpui tơno ‘na tơdroăng tơrŭm cheăng tung pơla kố nah; tơpui tơno ‘na tơrŭm cheăng tung la ngiâ; rơtế môi tuăn ‘na ki kal dêi tơrŭm cheăng tiô khôi vâi krâ nah, rŭm môi tuăn pơla pái Đảng, pái tơnêi têa. Pái Kăn xiâm pơkuâ môi tuăn thăm tơrŭm tung mâu kơvâ; mơnhông mơdêk châ tơƀrê mâu troăng pơkâ pêi nôkố ƀă pơtối tơpui tơno, tơrŭm tung mâu kơvâ cheăng tung la ngiâ, xua vâ pro pơxúa dêi kuăn pơlê pái tơnêi têa, xua hơniâp lĕm, tơniăn, tơrŭm cheăng ƀă mơnhông mơdêk a kơpong ƀă lâp plâi tơnêi.

A Sa Ly tơplôu ƀă tơbleăng