VOV4. Xơ Đăng -  Kơxê lơ 15/12,  a tíu pêi cheăng Xiâm Đảng hiăng po leh kân krip diâp pri ăm pôa Nguyễn Phú Trọng, Kăn xiâm pơkuâ hnê ngăn Đảng Kŏng san Việt Nam Pri Lenin dêi Khu kăn Đảng kŏng san Rusi. Pôa Leonid Kalashnikov, Kăn xiâm phŏ hnê ngăn Đảng, Ngế pơkuâ Vi ƀan mâu tơdroăng cheăng dêi Khu mâu kong têa tơniăn krê, Tơrŭm pơla châu Á- châu Âu ƀă mơngế dêi Duma kong têa Rusi, hiăng teăng mâ Khu kăn Đảng kŏng sản Rusi diâp ăm pôa Nguyễn Phú Trọng, pri kơnía git má môi dêi Đảng Kŏng san kong têa Rusi ƀă Đảng Kŏng san Liên Xô.

Pôa Nguyễn Phú Trọng, Kăn xiâm pơkuâ hnê ngăn Đảng xo pri mơhá Lenin dêi Đảng Kŏng san Rusi

Tơpui a hâi leh, pôa Nguyễn Phú Trọng mơnê kơ Đảng Kŏng sản kong têa  Rusi hiăng diâp pri pơxá inâi Lenin ki kơnía. Pôa Nguyễn Phú Trọng tối nhên, Đảng Kŏng sản Việt Nam xo chuh nghiah Marx-Lenin, tuăn mơno Hồ Chí Minh pro xiâm tuăn mơno, troăng bâ eăng ki mơhno troăng tung tơdroăng mơjiâng, ƀă kring vế ƀă mơnhông mơdêk tơnêi têa, pêi pro tiô troăng rơhlâ chuh ngiah xah hô̆i.

Pôa Nguyễn Phú Trọng tối, rơtế ƀă Đảng Kŏng san Rusi ƀă mâu khu tơrŭm cheăng dêi Rusi pơtối mơnhông mơdêk, tơrŭm cheăng tung tŭm tơdroăng pơla Việt Nam - Rusi ƀă tơdroăng tơrŭm pơla kuăn pơlê péa tơnêi têa.

Gương tơplôu ƀă tơbleăng