VOV4.Sêdang - Kơxo lơ 29 khế 9, Đảng [o# kong pơlê Phú Thọ tơku\m po hneăng hôp Đảng [o# rôh má 18 hneăng hơnăm 2015-2020. Veăng hôp ai pôa Nguyễn Sinh Hùng, Kăn xiâm hnê ngăn kuo#k ho#i, pôa Nguyễn Xuân Phúc, Ngế pro xiâm pho\ hnê ngăn tơnêi têa, [ă kăn pơkuâ mâu kơ koan tơnêi têa, rơtế [ă 334 ngế kăn xiâm ki ê. Tối tơbleăng hnê mơhno a hneăng hôp, pôa Nguyễn Sinh Hùng khe#n kơdeăn mâu hnoăng ki Đảng [o#, mâu kăn [ă kuăn pơlê kong pơlê Phú Thọ hiăng châ pêi pro tung hơnăm hiăng hluâ, pak^ng mê pơkâ thế tung hneăng la ngiâ, Phú Thọ kal ai pơkâ troăng rơhlâ ki pơxúa khât vâ mơnhông mơdêk re\ng [ă krá ton xo\n tâ. Pôa Nguyễn Sinh Hùng pơkâ thế kong pơlê phú Thọ kal tơmâng khât troh tơdroăng mơnhông mơdêk cheăng kâ mơhno túa le\m tro-rêh ối pơlê pơla, mơdêk tơdroăng rêh ối dêi kuăn pơlê mơjiâng tơdroăng kring vế pơlê pơla tíu tơkăng kong [ă kring tơniăn kuăn pơlê, rơtế [ă mơnhông mơdêk tơniăn pơlê pơla cheăm bêng, mơdêk tơdroăng mơjiâng Đảng [ă tơdroăng cheăng kal kí.

Gương tơplôu [ă tơbleăng