VOV4.Sêdang –  Hâi lơ 13 khế 9, a tơring Noỏng-bô, kong pơlê Khăm-muộn, kong têa Lếo, pôa Nguyễn Tấn Dũng, Ngế pro xiâm hnê ngăn tơnêi têa rơtế [ă pôa Thoong-sỉng Thăm-mạ-vong, Ngế pro xiâm hnê ngăn kong têa Lếo veăng a roh leh pơxiâm tơdroăng tơkêa tí tăng chiâ xo Kali xua Grup pơkuâ ngăn trếo pơkeăng Việt Nam pro kăn pơkuâ ‘no liăn cheăng. Kố cho môi tung mâu tơdroăng tơkêa ‘no liăn cheăng hên má môi dêi Việt Nam a kong têa ê [ă kơxo# liăn tâk troh 522 rơtuh dollar. Xông tơpui a rôh leh, pôa Nguyễn Tấn Dũng prếi pôa Thoong-sỉng Thăm-mạ-vong tối tơdroăng ki sôk ro hlo tơru\m cheăng kâ, tê mơdró [ă ‘no liăn cheăng pơla péa tơnêi têa ôh tá pơtê, pơtối châ po rơdâ [ă mơnhông mơdêk tung lâp lu, Việt Nam đi đo ối tung khu kong têa ki ai kơxo# liăn ‘no cheăng hên má môi a kong têa Lếo. Xuân tung kơxo nah, pôa Nguyễn Tấn Dũng rơtế [ă Sôm-sa-vạt Lêng-sa-vát hiăng troh pôu Kơpong tơbâ pôa Hồ Chí Minh, kăn xiâm hnê ngăn tơnêi têa ki apoăng a pơlê Xiêng-vang, kong pơlê Khăm-muộn. Kố cho tíu ki pôa Hồ Chí Minh hiăng rêh ối [ă pêi cheăng tung mâu hơnăm ki apoăng dêi Kăch măng.