VOV4.Xơ Đăng - Tung rôh lăm pôu pêi cheăng a kong têa Rusi , kơxê lơ 1/12, pôa Nguyễn Xuân Phúc, Kăn xiâm hnê ngăn tơnêi têa hiăng tơpui tơno ƀă pôa Mikhail Mishustin, Ngế pro xiâm hnê ngăn kong têa Rusi a Moskwa. Pôa Nguyễn Xuân Phúc tối, Đảng, Tơnêi têa Việt Nam đi đo chôu vế ƀă mơnê tơdroăng veăng kum kân kĭn ki kong têa Rusi ăm Việt Nam tung tơdroăng rak tơniăn lĕm hdroâng kuăn ngo hdrối nah xuân môi tiah tung mơjiâng ƀă mơnhông mơdêk tơnêi têa nôkố.

Pôa Nguyễn Xuân Phúc, Kăn xiâm hnê ngăn tơnêi têa hôp tơpui tơno ƀă pôa Mikhail Vladimirovich Mishustin, Ngế pro xiâm hnê ngăn kong têa Rusi

Pôa Nguyễn Xuân Phúc ƀă pôa Mishusti hiăng tơkŭm tơpui tơno ‘na tơdroăng tơrŭm cheăng pơla Việt Nam - kong têa Rusi tung mâu tơdroăng cheăng, malối cho ‘na tơdroăng cheăng kâ; tối phiu ro tơrŭm cheăng tê mơdró ƀă ‘no liăn cheăng pơla péa kong têa pơtối châ po rơdâ; môi tuăn hên troăng rơhlâ ƀă mơdêk tâ nếo tung tơrŭm cheăng hnê hriâm ƀă hnê mơjiâng tuăn ngôa rơkê, khoa hok, kơmăi kơmok , mơhno túa lĕm tro , ôm hyô, trâm tơpui tơno ƀă kuăn pơlê. Péa pâ xuân môi tuăn kô mơdêk tơrŭm tung pêi pro vaccine xuân môi tiah pơkeăng pơlât COVID-19.

Gương tơplôu ƀă tơbleăng