VOV4.Xơ Đăng - Kơxê lơ 27/12, Khu kăn Kuô̆k hô̆i Pơlê kong kân Hồ Chí Minh pêi cheăng ƀă Vi ƀan hnê ngăn pơlê kong kân vâ séa ngăn tơdroăng pêi pro tiô luât pơkâ tŏng kum, luât tơnêi têa ‘na tơdroăng pơkâ tung Pơlê kong kân Hồ Chí Minh. Pôa Nguyễn Xuân Phúc, Kăn xiâm hnê ngăn tơnêi têa veăng hôp a tíu mơ’no dêi Kăn xiâm hnê ngăn tơnêi têa. Tơbleăng a hneăng hôp,  Kăn xiâm hnê ngăn tơnêi têa tối nhên, ƀă môi kơphô̆ môi tiah Pơlê kong kân Hồ Chí Minh mê tơdroăng pơkâ thế prôk hdrối môi hvêa, thế mơhno tro tiô mâ ngăn tơdroăng cheăng pêi, pro xiâm vâ tơbleăng pơkâ pêi, mơhnhôk tăng xiâm dêi lâp tơnêi têa ƀă mâu ngế krê dêi kuăn pơlê, ‘nâi nhên mâu pơkâ , hnê mơhno.

Kăn xiâm hnê ngăn tơnêi têa tối tơdrăng nhên, Pơlê kong kân Hồ Chí Minh dế kơdroh hơngế ƀă mâu kơphô̆ kân ki ê tung kơpong ‘na mơnhông cheăng kâ, ivá tơbriât cheăng ƀă ki tơ-ƀrê ‘na rêh ối. Ing tơdroăng pêi ahdrối ƀă ing ki djâ troăng ahdrối dêi pơlê kong kân ƀă tung lâp tơnêi têa dế rế kơdroh. Pôa Nguyễn Xuân Phúc, Kăn xiâm hnê ngăn tơnêi têa pơkâ thế pơlê kong kân kal séa ngăn a mâu pơkâ, mâu troăng rơhlâ  mâu ki tơ-ƀrê vâ pê klêi pơkâ, hlối kal thế xúa pơkâ cho tơmeăm khoăng mơnhông mơdêk pơlê kong kân tơniăn, tro tiô pơkâ, hveăng prôk krá kak ƀă hlối nhên khât. 

Gương tơplôu ƀă tơbleăng