VOV4.Sêdang - Potối lăm pôu kong têa Cuba, hâi lơ 19/9, a pơlê kong xiâm La Habana, kong têa Cuba, pôa Nguyễn Xuân Phúc, Kăn xiâm hnê ngăn tơnêi têa hiăng hôp tơpui ƀă pôa Manuel Marrero Cruz, Ngế pro xiâm hnê ngăn kong têa Cuba ƀă hên mâu kăn xiâm, kơvâ cheăng dêi Cuba. A  hneăng hôp, pôa Nguyễn Xuân Phúc loi tơngah tiah kố, ing hnoăng pơkuâ dêi pôa Manuel Marrero Cruz,  Chin phuh Cuba kô ai hên tơdroăng pêi châ tơ-ƀrê nếo tung tơdroăng pơkuâ tơnêi têa ƀă tơdroăng cheăng kâ.

Pôa Nguyễn Xuân Phúc, Kăn xiâm hnê ngăn tơnêi têa hiăng hôp tơpui ƀă pôa Manuel Marrero Cruz, Ngế pro xiâm hnê ngăn kong têa Cuba

Péa pâ hiăng tơkâ luâ hên tơdroăng pơloăng mơnúa, pơtối rak vế mâu tơdroăng tơpui tơrá mâu kăn ƀă mâu luât pơkâ tơrŭm cheăng ‘no tơdrêng tiô troăng hyôh Internet; teăm kum dêi rơpó hbrâ ví pơreăng COVID-19, mơhno ki tơrŭm krá khât, môi tuăn dêi rơpó pơla mâu nhŏng o ƀă kum dêi rơpó. Pôa Nguyễn Xuân Phúc púi vâ Chin phuh péa tơnêi têa tơrŭm krá tơniăn, tơbleăng tơ-brê mâu tơdroăng tơhrâ to khu râ kăn, mâu luât pơkâ tơrŭm cheăng hiăng ai hlâu, malối cho mơdêk tơ-ƀrê tơdroăng cheăng dêi Vi ƀan tơrŭm cheăng Chin phuh, veăng djâ tơdroăng tơrŭm péa tơnêi têa mơnhông tơ-brê rế ton rế krá, mơdêk cheăng kâ, tê mơdró ƀă ‘no liăn cheăng tơxâng ƀă tơrŭm cheăng kal kí le\m pơla péa tơnêi têa.

Gương tơplôu ƀă tơbleăng