VOV4.Sêdang - Pôa Nguyễn Xuân Phúc, Kăn xiâm hnê ngăn tơnêi têa nếo ai rôh krếo phôn tơpui ƀă pôa Vladimir Putin, Kăn xiâm pơkuâ kong têa Rusi. Peá ngế kăn xiâm hiăng tơpui ‘na troăng rơhlâ pêi pro, tơdroăng vâ mơdêk tâ mê nếo ‘na tơrŭm cheăng tung tŭm tơdroăng pơla Việt Nam Rusi, tơrŭm plâ mơdât pơreăng COVID-19, xuân môi tiah mâu tơdroăng tung kơpong ƀă lâp plâi tơnêi ki péa pâ vâ ‘nâi plĕng.

Pôa Nguyễn Xuân Phúc, Kăn xiâm hnê ngăn tơnêi têa

Pôa Nguyễn Xuân Phúc tối, Việt Nam hdrối ƀă kơ’nâi xuân môi tiah nhoăm tơdroăng tơrŭm cheăng tiah hmâ ƀă tơrŭm tung tŭm tơdroăng cheăng ƀă Rusi; púi vâ mơdêk tơrŭm pơla péa kong têa tung tâi tâng mâu kơvâ cheăng, xua pro pơxúa tơchoâm dêi péa hdroâng mơngế. ‘Na tơrŭm cheăng pơla Việt Nam - Rusi, pôa Nguyễn Xuân Phúc ƀă pôa Vladimir Putin tối phiu ro hlo mâu tơdroăng pêi pro châ tơ-ƀrê tung tơrŭm pơla péa pâ mâu hơnăm hdrối nah.

Péa ngế kăn xuân tơpui ‘na tơdroăng lâp plâi tơnêi ƀă tung kơpong ki péa pâ rơtế vâ ‘nâi plĕng, tối kô pơtối tơrŭm krá hlối tơ-ƀrê a mâu hneăng hôp tung kơpong, tung mê, môi tuăn tơleăng mơnhên ‘na tơbriât a Biển Đông ƀă tơdroăng pro hneăng hôp pro pơlĕm.

Gương tơplôu ƀă tơbleăng