VOV4. Xơ Đăng - Tiô rơkong krếo thế dêi kong têa Kul pôa Nôỏodom Sihamoni, pôa Nguyễn Xuân Phúc,Kăn xiâm hnê ngăn tơnêi têa lăm pôu kong têa Kul ing hâi lơ 21 troh 22/12. Kố cho hneăng lăm pôu apoăng dêi pôa Nguyễn Xuân Phúc, Kăn xiâm hnê ngăn tơnêi têa ƀă xuân cho môi tung mâu tơdroăng pêi ki apoăng vâ pơxiâm mâu rôh pêi mau tơdroăng cheăng koh tơbâ “hơnăm tơrŭm pơla Việt Nam - Kul, Kul ƀă Việt Nam” ƀă leh tơbâ 55 hơnăm mơjiâng tơrŭm tơpui kâ péa tơnêi têa.

Việt Nam ƀă Kul ai môi tơdroăng tơrŭm cheăng kong têa ki achê dêi rơpó tơniăn lĕm; tơrŭm tiô hmâ; tơrŭm tung tâi tâng mâu tơdroăng cheăng krá tơniăn ton ta ah. Tung pơla péa tơnêi têa dế tơkŭm hên tơdroăng po leh tơbâ mâu tơdroăng hdró ki kal tung tơrŭm péa tơnêi têa, Hneăng lăm pôu kong têa Kul drêng kố dêi Kăn xiâm hnê ngăn tơnêi têa  pơtối mơhno troăng rơhlâ dêi Đảng, Tơnêi têa ƀă kuăn pơlê Việt Nam nhoăm khât mâu tơdroăng tơrŭm ƀă kong têa Kul.

Gương tơplôu ƀă tơbleăng