VOV4.Xơ Đăng - Kơxê lơ 29/11 tiô chôu kong têa Rusi, pôa Nguyễn Xuân Phúc, kăn xiâm hnê ngăn tơnêi têa rơtế ƀă kơdrâi pôa pơkuâ djâ khu kăn xiâm Việt Nam hiăng troh a tơrih tơ-ƀai  Vnukovo, kong têa Rusi, pơxiâm lăm pôu kong têa Rusi tiô rơkong krếo thế dêi pôa Vladimir Putin, kăn xiâm pơkuâ kong têa Rusi.

Leh kân krip tơdah pôa Nguyễn Xuân Phúc, kăn xiâm hnê ngăn tơnêi têa a tơraih tơƀai

Leh tơdah Kăn xiâm hnê ngăn tơnêi têa po kân krip a tơraih tơƀai Vnukovo.  Kố cho hneăng lăm pôu ki kal hdró 71 hơnăm Việt Nam ƀă Rusi mơjiâng tơrŭm cheăng tơpui kâ, 20 hơnăm péa tơnêi têa tơbleăng tơchoâm ‘na tơrŭm cheăng vâ chê 10 hơnăm Tơbleăng tơchoâm mơdêk tâ nếo tơrŭm cheăng  pơla péa tơnêi têa.

Kuăn pơlê Việt Nam a Rusi leh tơdah pôa Nguyễn Xuân Phúc, kăn xiâm hnê ngăn tơnêi têa

Tiô tơdroăng lăm pôu, pôa Nguyễn Xuân Phúc, Kăn xiâm hnê ngăn tơnêi têa kô tơpui tơno ƀă Kăn xiâm pơkuâ kong têa, tơpui ƀă Ngế pro xiâm hnê ngăn kong têa, trâm mâ Kăn xiâm hnê ngăn DUMA kong têa Rusi; trâm Kăn xiâm hnê ngăn Hô̆i đong dêi kong têa Rusi; diâp Mê dai tơrŭm cheăng ăm Kăn chêh tôm xo rơkong Hô̆i đong kring vế tơniăn kong têa Rusi, trâm Kăn xiâm hên ngăn Hô̆i đong kring tơniăn kong têa Rusi, Kăn xiâm hnê ngăn Đảng kong têa Rusi môi tuăn Dmitry Medvedev ƀă kơdrâi pôa. Veăng hôp hlôi tối tơbleăng Hâi pơxiâm po hneăng hôp khu mơdró kâ pơla Việt Nam ƀă Rusi,

Gương tơplôu ƀă tơbleăng