VOV4.Sêdang - Kơxê lơ 16/9, pôa Nguyễn Xuân Phúc, Kăn xiâm hnê ngăn tơnêi têa hiăng pơcháu ăm Pơkâ rah xo Kăn xiâm tơleăng ƀă pŭn ngế kăn xiâm tơleăng, klêi kơ’nâi hiăng châ Kuô̆k hô̆i kĭ ăm phêp pêi pro. Pŭn ngế Kăn xiâm tơleăng châ rah xo jâ Đào Thị Minh Thủy, Kăn xiâm tơleăng cho Kăn xiâm phŏ tơleăng a Hà Nội, pôa Nguyễn Văn Dũng, Kăn xiâm phŏ tơleăng a Đà Nẵng; Nguyễn Biên Thùy, Kăn xiâm tơleăng kong pơlê Bến Tre ƀă pôa Ngô Tiến Hùng, Kăn xiâm tơleăng kong pơlê Bến Tre.

Kăn xiâm hnê ngăn tơnêi têa diâp Pơkâ rah xo Kăn xiâm tơleăng râ tơnêi têa

Pơcháu hnoăng cheăng ăm mâu Kăn xiâm tơleăng, pôa Nguyễn Xuân Phúc, Kăn xiâm hnê ngăn tơnêi têa pơkâ, Ngế ki tơleăng thế đi đo plĕng hiâm mơno pôu râng hnoăng cheăng a ngiâ luât; thế mơhno hiâm mơno tung hnoăng cho ngế pêi cheăng dêi kơ koan tơleăng ki kân má môi; tơdrêng amê, thế pêi tơtro tơdroăng mơjiâng luât.

A Sa Ly tơplôu ƀă tơbleăng