VOV4.Sêdang -  Kơxê hâi lơ 3/11, tung tơdroăng veăng Leh tơbâ 190 hơnăm hâi mơjiâng kong pơlê Lạng Sơn, pôa Nguyễn Xuân Phúc, Kăn xiâm hnê ngăn tơnêi têa trâm mâ, pêi cheăng ƀă mâu kăn xiâm dêi kong pơlê Lạng Sơn. Tơpui a rôh pêi cheăng, pôa Nguyễn Xuân Phúc, Kăn xiâm hnê ngăn tơnêi têa khĕn kơdeăn kong pơlê Lạng Sơn, mơhé vâ dế tung pơla tâ tú pơreăng xuân tơbleăng pêi tro mâu tơdroăng cheăng kâ rêh ối, ‘na cheăng lêng ‘na kring tơniăn. Tung mê, ai mâu pơkâ mơdêk pêi lo kế tơmeăm, xo liăn ngân ăm tơnêi têa, tê mơdró xuân tơ-ƀrê.

Nguyễn Xuân Phúc, Kăn xiâm hnê ngăn tơnêi têa  pêi cheăng ƀă mâu kăn kong pơlê Lạng Sơn

Laga, Kăn xiâm hnê ngăn tơnêi têa tối pơchân kong pơlê Lạng Sơn kal tơkŭm mơngế pêi cheăng, liăn ngân ‘no pêi cheăng, mơngế vâ pêi cheăng, luât pơkâ tŏng kum, kuăn mơngế ăm ‘na mơnhông mơdêk cheăng kâ tíu tê mơdró kăng kong, tê mơdró ôm hyô krá tơniăn ton; ‘na pêi chiâk deăng rơkê rơtế ƀă xúa kơmăi kơmok, kơmăi uâ pơliê pro tơmeăm vâ tê ăm kong têa ê; kal thế kring vế ƀă pêt kong, pơtối rak vế ki rơdêi cheăng kâ ‘na loăng kong; tí tăng tơdroăng cheăng pêi ki rơdêi ing pêt plâi kâ, pêt loăng pro pơkeăng. Tơdrêng amê, pơtối mơ-eăm ‘mâi hơ’lêh tơdroăng tê mơdró vâ châ ối tung khu ki pêi cheăng tê mơdró tơ-brê tung lâp tơnêi têa.

 Gương tơplôu ƀă tơbleăng