VOV4.Xơ Đăng - A 12 chôu hâi lơ 26/11 tiô chôu Việt Nam, pôa Nguyễn Xuân Phúc, Kăn xiâm hnê ngăn tơnêi têa ƀă kơdrâi pôa pơkuâ djâ khu kăn Việt Nam hiăng troh a tơraih tơ-ƀai Geneva, pơxiâm lăm pôu kong têa Swiss. Klêi leh tơdah, pôa Nguyễn Xuân Phúc tơpui tơnoƀă pôa Guy Parmelin, kăn xiâm pơkuâ kong têa Swiss; trâm mâ Kăn xiâm hnê ngăn Hô̆i đong kong têa Swiss; veăng hôp ƀă Khu mơdró pơla Việt Nam - Swiss.

Tung rôh lăm pôu, Kăn xiâm hnê ngăn tơnêi têa lăm pôu pơlê kong kân Bern; lăm pôu trâm kuăn pơlê Việt Nam ki rêh ối a kong têa Swiss. Kăn xiâm hnê ngăn tơnêi têa xuân trâm mâ, pêi cheăng ƀă mâu khu tơrŭm cheăng cho Ngế xiâm pơkuâ ngăn Khu tơrŭm tê mơdró lâp plâi tơnêi WTO, Ngế xiâm pơkuâ Khu tơrŭm ngăn pơkeăng lâp plâi tơnêi WHO, Ngế xiâm Khu tơrŭm cheăng Xúa tuăn ngôa rơkê lâp plâi tơnêi WIPO Kăn xiâm hnê ngăn khu kơtu ƀa long lâp plâi tơnêi (FIFA).

Gương tơplôu ƀă tơbleăng