VOV4.Sêdang - Hdrối mê, a tíu pêi cheăng Kuô̆k hô̆i Cuba, pôa Nguyễn Xuân Phúc, kăn xiâm hnê ngăn tơnêi têa hiăng tơpui ƀă pôa Esteban Lazo Hernández, kăn xiâm hnê ngăn Kuô̆k hô̆i Cuba.

Pôa Nguyễn Xuân Phúc, kăn xiâm hnê ngăn tơnêi têa prế kăn pơkuâ ngăn Tíu xiâm Đảng Kŏng san Cuba

Pôa Nguyễn Xuân Phúc tối nhên Kuô̆k hô̆i xuân môi tiah mâu khu xiâm, kơvâ cheăng dêi Việt Nam hbrâ rơnáu tơrŭm ƀă Kuô̆k hô̆i Cuba, tơpui mâu tơdroăng ki rơkê plĕng ‘na mâu tơdroăng ki péa Kuô̆k hô̆i rơtế vâ ‘nâi plĕng, tơrŭm krá tơniăn tâ nếo tung tơdroăng ki pơtroh mâu kăn pơkuâ Kuô̆k hô̆i, tối tơdroăng ki rơkê plĕng ‘na luât, pêi pro hnoăng cheăng dêi Kuô̆k hô̆i tung khu pơkuâ tơdroăng kal kí, tơdroăng cheăng tơpui kâ Kuô̆k hô̆i ƀă tơrŭm loi tơngah péa Kuô̆k hô̆i, mâu Vi ƀan ƀă péa Khu kuô̆k hô̆i tơrŭm tơroâ dêi Kuô̆k hô̆i péa tơnêi têa kô pơtối tơrŭm krá tơniăn, tŏng kum ăm mâu tơdroăng cheăng tơrŭm pơla péa tơnêi têa ing tơdroăng kĭ tơkêa mâu hlá mơ-éa tơrŭm cheăng.

Katarina Nga tơplôu ƀă tơbleăng