VOV4.Xơ Đăng - Kơxê lơ 6/12, a tíu pêi cheăng xiâm Chin phuh, pôa Nguyễn Xuân Phúc, Kăn xiâm hnê ngăn tơnêi têa hiăng tơpui tơno ƀă pôa Xay-xổm-phon Phôm-vi-hản, Kăn xiâm hnê ngăn Kuô̆k hô̆i  drêng pôa pơkuâ djâ khu kăn xiâm Kuô̆k hô̆i  Lếo lăm pôu Việt Nam.  A rôh trâm mâ, pôa Nguyễn Xuân Phúc, Khê̆n kơdeăn  tơdroăng tơpui tơno pơla péa Kăn xiâ hnê ngăn Kuô̆k hô̆i  khê̆n kơdeăn  tơdroăng tơrŭm tơpui tơno pơla Kăn xiâm hnê ngăn Kuô̆k hô̆i  Lếo xua pôa Xay-xổm-phon Phôm-vi-hản  ƀă poâ Vương Đình Huệ, Kăn xiâm hnê ngăn Kuô̆k hô̆i  Việt Nam. Tơpui ƀă Lếo ‘na mâu tơdroăng pơloăng mơnúa nôkố, malối mâu tơdroăng xơpá xua pơreăng Covid-19, pôa Nguyễn Xuân Phúc khê̆n kơdeăn khât mâu kơ koan khu râ pơkuâ cheăng péa tơneie têa hiăng tơrŭm tơ-ƀrê, krá kkât hbrâ ví pơreăng ƀă kal pơtối tung la ngiâ. Kăn xiâm hnê ngăn tơnêi tê xuân tối luât pơkâ dêi Việt nam cho kum a hdrối ƀă mơnhông mơdêk tơrŭm cheăng pơla Việt Nam - Lếo. Péa tơnêi têa đi đo cho mâu ngế pú, nhŏng o pơtih môi tiah ‘’ Kloăng phái tơpôe tơdế, môi kông kơchâi rơpê pê tơdế’’.  Kăn xiâm hnê ngăn péa Đảng, péa tơnêi têa ƀă kuăn pơlê péa tơnêi têa mơdêk tơrŭm hbrâ tro mâu tơdroăng  ăm rôh trâm mâ tiah hmâ péa Khu xiâm kal kí ƀă Rôh hôp má 44 Vi ƀan tơrŭm cheăng  Chin phuh Việt Nam - Lếo.

Gương tơplôu ƀă tơbleăng