VOV4.Sêdang - Pơtối pêi cheăng a New York, kong têa Mih, hâi lơ 22/9 tiô chôu New York, pôa Nguyễn Xuân Phúc, Kăn xiâm hnê ngăn tơnei têa hiăng ai rôh trâm mâ ƀă Kăn xiâm pơkuâ tơnêi têa Mông Cổ, Swiss, Áo ƀă Kăn xiâm hnê ngăn châu Âu (EU). A rôh trâm mâ ƀă Kăn xiâm pơkuâ tơnêi têa Mông Cổ, pôa Nguyễn Xuân Phúc ƀă kăn xiâm pơkuâ kong têa Mông Cổ rơtế tối nhoăm tơrŭm cheăng nhŏng o pơla péa tơnêi têa, môi tuăn, kum dêi rơpó tung mơjiâng tơnêi têa nôkố.

A rôh trâm mâ pôa, kăn xiâm pơkuâ kong têa Swiss, péa ngế kăn xiâm tối kô  mơdêk tơrŭm cheăng kâ tê mơdró; mơdêk tơrŭm mơnhông cheăng kâ pơla hơnăm 2021-2024 ƀă kơxô̆ liăn ODA ai 80 rơtuh dollars ki kong têa Swiss hiăng tơhrâ. Péa ngế kăn xiâm vâ môi tuăn péa pâ kal thế tăng troăng ‘mâi mơnhông tơpui tơno tê mơdró ki tro tơdjâk xua pơreăng COVID-19, tung mê kal thế mơdêk rĕng kĭ tơkêa FTA pơla Việt Nam ƀă Khu tơrŭm cheăng tê mơdró châu Âu (AFTA).

A hneăng hôp kăn xiâm pơkuâ kong têa Áo, pôa Nguyễn Xuân Phúc, Kăn xiâm hnê ngăn tơnêi têa thế Áo pro tơ’lêi hlâu ăm Việt Nam tung tơdroăng tơrŭm pơ’lêh cheăng ƀă kơmăi tung pêi pro mơjiâng; séa ngăn kum mâu tơmeăm xuá tung khăm pơlât vâ kum Việt Nam rĕng kâi mơdât pơreăng kân.

Gương tơplôu ƀă tơbleăng