VOV4.Sêdang - Drêng troh leh tơbâ 31 hơnăm Hâi lâp plâi tơnêi mâu hơnăm hiăng krâ lơ 1/10, pôa Nguyễn Xuân Phúc, Kăn xiâm hnê ngăn tơnêi têa ai rôh trâm mâ Khu ngăn mâu hơnăm  hiăng krâ  Việt Nam ƀă mâu kăn hơnăm hiăng krâ.

Teăng mâ kăn xiâm Đảng, tơnêi têa, pôa Nguyễn Xuân Phúc, Kăn xiâm hnê ngăn tơnêi têa  pơtroh rơkong rơkâu ăm mâu kăn  bô̆, hô̆i viên mâu hơnăm hiăng krâ Việt Nam, tâi tâng mâu ngế hơnăm hiăng krâ Việt Nam tung tơnêi têa ƀă kong têa ê ‘nâi nhoăm pâ, kơ êng hơlêm ƀă rơkâu tơdroăng ki lê̆m.

Hneăng hôp trâm mâ

Tung la ngiâ, Kăn xiâm hnê ngăn tơnêi têa thế mâu hơnăm hiăng krâ Việt Nam tơrŭm ƀă mâu khu xiâm, kơvâ cheăng, kong pơlê pơtối pêi pro ƀă tí tăng ‘nâi plĕng mơjiâng mâu troăng rơhlâ, luât pơkâ dêi Đảng, Tơnêi têa ‘na kring vế, rak ngăn mâu hơnăm hiăng krâ krâu khât tâ nếo. Tối nhên mâu hơnăm hiăng krâ cho mâu ki xiâm dêi rơpŏng hngêi, Kăn xiâm hnê ngăn tơnêi têa thế mâu hơnăm hiăng krâ pơtối ‘nâi plĕng mâu tơdroăng ‘na troăng rơhlâ, luât dêi Đảng ƀă tơnêi têa; pơtối tí tăng ‘nâi plĕng, tá tơdroăng hriâm, ing mê hnê ăm mâu rơxông nếo tŭm tơdroăng, ai tuăn mơno lê̆m,  rêh ối lĕm tro, rak tơniăn ƀă pơtối rak vế khôi túa lĕm tro dêi hdroâng mơngế pin.

Gương tơplôu ƀă tơbleăng