VOV4.Xơ Đăng - Kơxê lơ 21/12/2021, tung roh lăm pôu pêi cheăng râ Tơnêi têa troh a kong têa Kul, pôa Nguyễn Xuân Phúc, Kăn xiâm hnê ngăn tơnêi têa hiăng ai roh trâm mâ tơpui tơno ƀă pôa Say Chhum, Kăn xiâm hnê ngăn Kuô̆k hô̆i râ má môi kong têa Kul. A roh trâm mâ tơpui tơno, Péa kăn xiâm pơkuâ phiu ro hlo, tung pơla pơreăng kân COVID-19 xông tâ tú ó, tơrŭm cheăng pơla péa tơnêi têa xuân rak tơdroăng mơnhông mơdêk tung mâu tơdroăng ƀă tung tâi tâng kơvâ cheăng.

Pôa Nguyễn Xuân Phúc, Kăn xiâm hnê ngăn tơnêi têa trâm mâ tơpui tơno ƀă Kăn xiâm hnê ngăn Kuô̆k hô̆i râ má môi kong têa Kul

Tơpui tơno ‘na troăng thăm tơrŭm cheăng tung la ngiâ, péa pâ môi tuăn thăm pro tơ’lêi hlâu mâu kơ koan mơjiâng luât péa tơnêi têa pơtối môi tuăn ƀă mơjiâng luât tơ’lêi hlâu tâ mê nếo ăm tơdroăng thăm tơrŭm cheăng kâ, tê mơdró, mơ’no liăn cheăng; thăm trâm mâ tơpui tơno kuăn pơlê, ki má lối cho rơxông hơnăm ối nếo ƀă tơrŭm mâu kong pơlê, ki má lối cho mâu kong pơlê achê tơkăng kong dêi péa tơnêi têa; tơrŭm tơkŭm po mâu tơdroăng koh phiu ro ‘’Hơnăm tơrŭm Việt Nam – Kul, Kul - Việt Nam 2022’’, ƀă leh tơbâ 55 hơnăm mơjiâng tơrŭm cheăng tơpui kâ pơla péa tơnêi têa 24/6/1967 – 24/6/2022.