VOV4.Xơ Đăng - Pơtối hneăng lăm pôu pêi cheăng râ kăn xiâm tơnêi têa Kul, kơxo lơ 22/12, pôa Nguyễn Xuân Phúc, Kăn xiâm hnê ngăn tơnêi têa hiăng lăm pôu, tơpui tơno ƀă kăn ƀô̆ mâu ngế pêi cheăng a Tíu pêi cheăng teăng mâ Việt Nam a kong têa Kul, trâm kăn teăng mâ mâu ngế Việt Nam  a Kul. Phiu ro trâm kuăn pơlê, pôa Nguyễn Xuân Phúc, Kăn xiâm hnê ngăn tơnêi têa tối nếo tung pơla trâm  tơdroăng pá xua COVID-19, Việt Nam ƀă Kul hiăng ai hên hnoăng veăng kum dêi rơpó.

Pôa Nguyễn Xuân Phúc, Kăn xiâm hnê ngăn tơnêi têa trâm mơngế Việt Nam a kong têa Kul

Kố cho tơdroăng ki hơ-ui pâ tơxâng hâk mơnê, pơtối mơhno ki tơrŭm tiô hmâ ki lĕm, krá kak ton hơnăm pơla péa tơnêi têa ƀă kuăn pơlê péa tơnêi têa. Tung la ngiâ, pôa Nguyễn Xuân Phúc, thế mâu kăn ƀô̆, mâu ngế pêi cheăng a tíu xiâm teăng mâ pêi tro hnoăng cheăng dêi Đảng, Tơnêi têa pơcháu, pêi tro hnoăng kring vế kuăn pơlê, kŭm tơdroăng rêh ối dêi mơngế Việt Nam rêh ối a kong têa ê rếai hên mâu tơdroăng cheăng pêi ki pơxúa troh xiâm rêi, hnoăng veăng ‘no mơjiâng pơlê xiâm, tơnêi têa, tung mê ai tơdroăng  tơleăng mơnhên tro tiô luât ăm mơngế xiâm rêi Việt Nam a kong têa Kul.

Gương tơplôu ƀă tơbleăng