VOV4.Sêdang - Klêi hiăng kêi tơniăn hneăng lăm pôu tơrŭm cheăng ƀă Cuba, kơxê lơ 20/9 tiô chôu kong têa kố, kơxo má hâi kố tiô chôu Việt Nam, pôa Nguyễn Xuân Phúc, Kăn xiâm hnê ngăn tơnêi têa lăm pôu kong têa Mih, veăng hôp tơpui tơno tơchoâm to khu râ kăn xiâm Hneăng 76 a Hneăng hôp Hô̆i đong Khu lâp kong têa ƀă pêi pro mâu tơdroăng cheăng pơla péa pâ a kong têa Mih.

Tơdroăng ki kal mê vâ tơbleăng troăng rơhlâ tơpui kâ hneăng hôp Đảng tung lâp tơnêi têa roh má 13 hiăng pơkâ; mơnhông rĕng  ƀă mơdêk tơpui tơno hên tơdroăng dêi Việt Nam troh hơnăm 2030; mơhno hnoăng cheăng, ki rơdêi cho khu ai hnoăng cheăng veăng ‘no ki khât a mâu tơdroăng dêi Khu lâp kong têa ƀă mâu kong têa tung lâp plâi tơnêi. Veăng hôp mê ai lối 100 ngế kăn xiâm, mâu kăn Hô̆i đong dêi khu lâp kong têa hneăng 76  cho rôh ki tro vâ tơpui trâm mâ pơla rêm pâ tơpui pơla mâu kăn dêi mâu kong têa klêi kơ’nâi ton oh tá châ trâm tơpui tơno xua pơreăng kân COVID-19.

Veăng hôp ai lối 100 ngế kăn xiâm, pôa Nguyễn Xuân Phúc, Kăn xiâm hnê ngăn tơnêi têa ối ai mâu tơdroăng cheăng pêi pơla péa pâ a Khu lâp kong têa ƀă Mih vâ mơdêk tơrŭm cheăng tung tŭm tơdroăng ki dế mơnhông mơdêk tơ-brê; tơtro ƀă tơdroăng pơkâ, pơxúa tơchoâm dêi péa tơnêi têa Việt Nam ƀă Mih.

Gương tơplôu ƀă tơbleăng