VOV4.XơĐăng - Kơmăng lơ 28/12, a pơlê kong kơdrâm Tam Kỳ, pôa Nguyễn Xuân Phúc, Kăn xiâm hnê ngăn tơnêi têa veăng Leh tơbâ 550 hơnăm inâi khĕn Quảng Nam 1471 – 2021. Xông tơpui a roh leh, pôa Nguyễn Xuân Phúc tối ăm ‘nâi, kơtăn kố 550 hơnăm, Pơtáu Lê Thánh Tôn hiăng khĕn inâi ăm kơpong Quảng Nam mê cho 3 tơring: Thăng Hoa, Tư Nghĩa ƀă Hoài Nhơn. Xua mê tơdroăng kal hâi kố ôh tá xê to kơnâ ƀă kong pơlê Quảng Nam mê ối tá Đà Nẵng, Quảng Ngãi, Bình Định ƀă tá kơpong peăng tơdế tơnêi têa.

Quảng Nam, inâi khĕn kơnía mơhno troăng tơmiât hơngế rơdâ ‘na tơnêi tơníu Việt Nam pin xuân môi tiah tơdroăng pói vâ hdroâng mơngế khên tơnôu rơkê. Hdrối mê, tung kơxê lơ 28/12, pôa Nguyễn Xuân Phúc trâm mâ mâu kăn cheăng Đảng kong pơlê sap ing hơnăm 1997 troh nôkố. Tâng mâu pơloăng mơnúa ƀă Quảng Nam nôkố môi tiah tơdroăng cheăng kâ ối kŭn, pêi lo liăn rêm pơ’leăng mâ mơngế ối iâ tâng pơchông ƀă tơdâng tơdjuôm lâp tơnêi têa, troăng klông ối pá puât; kơxô̆ rơpŏng kơtiê ối hên ƀă 4,25%, mơngế pêi cheăng rơkê ối iâ, pôa Nguyễn Xuân Phúc pơkâ thế: Kal ai tuăn mơ-eăm, môi tơdroăng pói vâ dêi mơngế Quảng Nam tung la ngiâ.

A Sa Ly tơplôu ƀă tơbleăng