VOV4.Xơ Đăng - Kơxo lơ 27/12, Khu xiâm pơkuâ troăng prôk tơrŭm ƀă Vi ƀan kong pơlê Lai Châu tơkŭm po Leh pơxiâm mơjiâng pro tơdroăng tơkêa bro tơdjêp troăng kân mâu kong pơlê peăng kơnhŏng tơnêi têa. Tơdroăng tơkêa bro ai tâi tâng kơlo liăn mơ’no cheăng lối 5.300 rơtal liăn, kum pro ‘nâng ‘nâi troăng prôk ing tíu xiâm mâu kong pơlê Lai Châu, Lào Cai, Yên Bái ƀă mâu kong pơlê ki ê ai tơdjâk a pơlê kong xiâm Hà Nội.

Pôa Phạm Bình Minh tiê tíu ki pơxiâm pêi pro tơdroăng tơkêa bro

Xông tơpui a roh leh, pôa Phạm Bình Minh mơnhên hnoăng dêi tơdroăng tơkêa bro tung tơdroăng pro troăng kân, thăm mơnhông cheăng kâ – rêh ối pơlê pơla ăm mâu kong pơlê ai mâu tơdroăng tơkêa bro ƀă tá kơpong peăng mâ hâi luô pá kơnhŏng tơnêi têa.

Tơdroăng tơkêa bro châ pêi rak tơniăn tơdroăng mơjiâng pro, pôa Phạm Bình Minh pơkâ thế ngế ối a ko Khu xiâm pơkuâ troăng prôk – Rơxế kơtâu, Khu pơkuâ tơdroăng tơkêa bro 2 kal pêi tiô, kơtăng tung hnê mơhno, pơkuâ ki dâi lĕm, tơdroăng ki mơjiâng pro ăm i rĕng, kơxô̆ liăn mơ’no tung tơdroăng pêi pro tơdroăng tơkêa bro, tơniăn krá, tro luât.

A Sa Ly tơplôu ƀă tơbleăng