VOV4.Xơ Đăng - Kơmăng lơ 21/11, a Hà Nội, Vi ƀan rak tơniăn troăng prôk ƀă rơxế kơtâu Tơnêi têa tơkŭm po leh tơbâ mâu ngế hlâ xua tơklâm rơxế. Troh veăng amê ai pôa Phạm Bình Minh, Ngế pro xiâm phŏ hnê ngăn tơnêi têa. Ƀă tơdroăng pơtroh “Tơbâ mơngế hlâ – Xua mơngế ki ối rêh”, kố cho hơnăm má 10 tơdroăng kố châ tơkŭm po a Việt Nam ƀă cho hơnăm má péa Vi ƀan rak tơniăn troăng klông tơnêi têa tơkŭm po “Ngế pú hmâ troăng’’ ƀă ‘’Leh tơbâ mâu ngế hlâ xua tơklâm rơxế’’.

Xông tơpui a Leh tơbâ mơngế hlâ xua tơklâm rơxế, pôa Phạm Bình Minh krếo thế kuăn pơlê môi hiâm mơno pêi pro kơtăng Luât rak tơniăn troăng klông vâ ôh tá ai mâu roh tơklâm rơxế châi hiâm mơno. Leh tơbâ mâu ngế hlâ xua tơklâm rơxế châ tơkŭm po rêm hơnăm cho rơkong hơlêm ƀă nhŏng o mâu rơpŏng ai nhŏng o ôh tá mơhúa tơklâm rơxế ƀă rơkong pơchân troh pơlê pơla ‘na hlê plĕng drêng prôk drô troăng vâ rak vế dêi tơdroăng rêh ối tơná.

A Sa Ly tơplôu ƀă tơbleăng