VOV4.Xơ Đăng - Kơxê lơ 06/12/2021, pôa Phạm Minh Chính, Ngế pro xiâm hnê ngăn Chin phuh ƀă pôa Mark Rutte (Mac Rut) , Ngế pro xiâm hnê ngăn kong têa Hà Lan hiăng krêó phôn tơpui tơno mâu twodroăng mơdêk tâ nêó tơrŭm cheăng tung tâi tâng tơdroăng cheăng pơla Việt Nam - Là Lan tung la ngiâ. Ngế pro xiâm hnê ngăn Chin phuh  khê̆n kơdeăn ƀă mơnê tơdroăng ki veăng kum dêi Chin phuh Hà Lan ƀă khu tê mơdró dêi Hà Lan hiăng veăng kum mâu kơmăi kơmok tơmeăm xú tung khamw pơlât kơnâ 40 rơtal liăn Việt Nam kum Việt Nam tơkâ lua ảôh xơpá xua pơreăng kân Covid-19 roh má 4 pro; tối Việt Nam đi đo nhoăm  tơdroăng mơnhông mơdêk tơrŭm  cheăng tung tŭm tơdroăng ƀă Hà Lan. Ngế pro xiâm hnê ngăn tơnêi têa puí vâ Hà Lan kum Việt Nam tơdjêp mâu kơno tuk ƀă kơpong hngêi kơmăi ƀă châu Âu, kum Việt Nam mơdêk pê lo tơmeăm tê ăm kong têa  ê, tê ăm kong têa kố; mơdêk tơrŭm tê mơdró ƀă ‘no liăn cheăng ăm péa tơnêi têa mơdêk rê̆ng, rơdêi ƀă krá tơniăn ton tâ. Péa Ngế pro xiâm hnê ngăn tơnêi têa hiăng môi tuăn pơtối rak luât tơpui tơno tê mơdró ƀă ‘no liăn cheăng   mơdêk rĕng, rơdêi ƀă krá tơniăn ton nếo. Péa Ngế pro xiâm hnê ngăn tơnêi têa pơtối vâ  râk luât pơkâ tê mơdró đi đo ăm dêi rơpó xuân môi tiah tơdroăng tơrŭm cheăng ‘na kơvâ a têa kơxĭ, ‘na hê hriâm, ôm hyô bă hên ki ê.

Gương tơplôu ƀă tơbleăng