VOV4.Sêdang - Kơxo lơ 23/9, pôa Phạm Minh Chính, Ngế pro xiâm hnê ngăn Chin phuh pơkuâ hneăng hôp Khu hnê mơhno cheăng vâ tối mâu tơdroăng hbrâ mơdât pơreăng tung pơla hdrối kố nah, malối tơdroăng  “Hmâ tơniăn, rơkê bê̆ng ƀeăn, ai séa ngăn mơdât COVID-19” tung la ngiâ. Tơbleăng tơdroăng veăng hnê tối rôh hôp, Ngế pro xiâm hnê ngăn tơnêi thế, kal thế tí tăng ‘nâi plĕng troăng rơhlâ hmâ tơniăn, ƀĕng ƀeăn, tơ-ƀrê. Tơdroăng veăng hnê tối ‘na mâu tơdroăng kal ôh tá chiâng mơdon xua tung pơla ai iâ, kal vâ hên, tơdroăng cheăng hên, ivá cheăng oh tá ai hên.

Ngế pro xiâm hnê ngăn tối nhên, pơla hdrối kố nah, a mâu kong pơlê, kơmăng Trung thu, kuăn pơlê lo drô troăng lối hên, tơ’lêi tâ pơreăng. Kal thế pôi tá lo ti mê xếo. Tiô tối tơbleăng dêi khu hnê mơhno Tơnêi têa ‘na hbrâ mơdât pơreăng COVID-19, tung lâp tơnêi têa pơreăng xuân ối tâ tú rơ- iô dế châ séa ngăn ƀă ai hên tơdroăng ki pơ’lêh; tung 2 măng tĭng achê kố, kơxô̆ mơngế tâ tú tung kuăn pơlê ƀă hlâ pơtối kơdroh. Nôkố, kơxô̆ vaccine hiăng xoăng ăm lối 50,2 rơtuh klŏng ƀă kô pâk lối 35,1 rơtuh klŏng.

 Gương tơplôu ƀă tơbleăng